ශ්‍රී ලංකා ක්‍රිකට් මුල්‍ය ප්‍රධානියා රිමාන්ඩ්

ශ්‍රී ලංකා ක්‍රිකට් මුල්‍ය ප්‍රධානියා රිමාන්ඩ්

24 October 2018 01:00 pm

රහස් පොලිසිය මඟින් අත් අඩංගුවට ගන්නා ලද ශ්‍රී ලංකා ක්‍රිකට් ආයතනයේ මූල්‍ය ප්‍රධානී පියල් දිසානායක මහතා නොවැම්බර් මස 01 වනදා දක්වා රිමාන්ඩ් භාරයේ තැබීමට කොළඹ අධිකරණය නියම කළේය.
අපරාධ පරීක්ෂණ දෙපාර්තමේන්තුව  විසින්  අත්අඩංගුවට ගත්  සැකකරු ඊයේ (23) කොළඹ අතිරේක මහෙස්ත්‍රාත් ප්‍රියන්ත ලියනගේ  ඉදිරියට පමුණුවනු ලැබූ අතර එහිදී අපරාධ පරීක්ෂණ දෙපාර්තමේන්තුව අධිකරණයට දන්වා ඇත්තේ  මෙම සිද්ධිය සම්බන්ධයෙන් තවදුරටත් පරීක්ෂණ සිදුකරන හෙයින් සැකකරු රිමාන්ඩ් භාරයට පත් කරන ලෙසයි.
 
එම ඉල්ලීම පිළිගත් මහෙස්ත්‍රාත්වරයා සැකකරු ලබන  01  වනදා දක්වා රිමාන්ඩ් භාරයේ තැබීමට නියම කර තිබේ.
 
ක්‍රිකට් තරගාවලියක රූපවාහිනී ප්‍රචාරක අයිතිවාසිකම ලබා දීමෙන් ලැබුණු  ඇමරිකානු ඩොලර් 187084  ක මුදල් ශ්‍රී ලංකා ක්‍රිකට් ආයතනයේ ගිණුමට බැර නොකොට වෙනත් ගිණුමකට බැර කිරීම තුළින් එම මුදල් සාවද්‍ය ලෙස පරිහරණය කළ බවට චෝදනා කරමින් සැකපිට අපරාධ පරීක්ෂණ දෙපාර්තමේන්තුව මෙම  සැකකරු අත්අඩංගුවට ගෙන තිබේ.