පුෂ්පකුමාරගේ උත්සාහය වතුරේ, එංගලන්තයට 3-0 ක ජයක් ! - Lanka News Web (LNW)

පුෂ්පකුමාරගේ උත්සාහය වතුරේ, එංගලන්තයට 3-0 ක ජයක් !

එකොළොස් වැනි පිතිකරු ලෙස පිටියට පිවිසි මලින්ද පුෂ්පකුමාර නොතිබූ ජයග්‍රහණයක් කරා සිය කණ්ඩායම ගෙනයමින් සිටියද නායක සුරංග ලක්මාල් අවාසනාවන්ත ලෙස කඩුල්ල මුවා කිරීමේ වරදට හසුව දැවී යාම හේතුවෙන් ශ්‍රී ලංකා කණ්ඩායමට එරෙහිව පූර්ණ තරගාවලි ජයග්‍රහණයක් ලබාගැනීමට එංගලන්තය අද (26) සමත් විය.

මලින්ද පුෂ්පකුමාර දෙවැනි ඉනිමේ අවසන් පිතිකරු ලෙස පිටියට පිවිසෙන විට ලකුණු පුවරුව කියවුනේ 226 ට කඩුලු 09 ක් ලෙසයි. ඒ අනුව ජයග්‍රහණය සඳහා තවත් ලකුණු 101 ක් අවශ්‍යව තිබිණි. ඔහු සිය නායකයා හා එක්ව වේගවත් ඉනිමක් දියත් කළ අතර තේ පානය සඳහා තරගය නතර කරන විට ලකුණු පුවරුව දැක්වුනේ 284/9 ක් ලෙසයි. ඒ අනුව ජයග්‍රහණය සඳහා තවත් අවශ්‍ය වූයේ ලකුණු 43 ක් පමණි.

කෙසේ වෙතත් තේ පානයෙන් අනතුරුව ක්‍රියාත්මක වූ පළමු පන්දුවාරයේ සිව්වැනි පන්දුවේදී නායක සුරංග ලක්මාල් දවා ගැනීමට ජැක් ලීච් සමත්වීමත් සමග එංගලන්තයේ ජයග්‍රහණය තහවුරු විය. ලක්මාල් ඒ වනවිට ලකුණු 11 ක් ලබාගෙන සිටි අතර මලින්ද පුෂ්පකුමාර පන්දු 40 කදී නොදැවී ලකුණු 42 ක් ලබා ගැනීමට සමත් විය. ඒ සඳහා හතරේ පහර හයක් සහ එක් හයේ පහරක් අන්තර්ගත විය. ඔවුන් දෙදෙනා අතර අවසන් කඩුල්ලේ සබඳතාවය ලකුණු 58 කි.

කොළඹ SSC පිටියේ පැවති මෙම තරගයේ පළමුව පන්දුවට පහර දුන් එංගලන්තය සියලු දෙනා දැවී ලකුණු 336 ක් ලබාගත් අතර ඊට පිළිතුරු ලෙස ශ්‍රී ලංකා කණ්ඩායම ලබා ගත්තේ ලකුණු 240 ක් පමණි. ලකුණු 96 ක පළමු ඉනිමේ වාසිය ද සමගින් නැවත පන්දුවට පහර දුන් එංගලන්තය දෙවැනි ඉනිමේ ලකුණු 230 කට දැවී ගිය අතර ඒ අනුව ශ්‍රී ලංකා කණ්ඩායමට ලැබුණු ඉලක්කය ලකුණු 227 කි.

අවසන් තරගයේ වීරයා සම්මානය හිමිකර ගැනීමට ජොනී බෙයාස්ටොව් සමත් වූ අතර සිය පළමු ටෙස්ට් තරගාවලියට ක්‍රීඩා කළ එංගලන්ත කණ්ඩායමේ කඩුල්ල රකින ක්‍රීඩක බෙන් ෆෝක්ස් තරගාවලියේ වීරයා සම්මානය හිමිකර ගැනීමට සමත් විය.

UN

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

මසකට ලක්ෂ 24ක් ලාභ ලැබූ වඩේ බිස්නස් එක වැහුණේ ගෝඨා නිසා - නිරෝශන් බදු ගෙව්වාද ?

පෙබරවාරි 17, 2019

මාර්ග අයිනේ වඩේ විකිණීම සඳහා සේවකයින් 60 දෙනෙකු පමණ යොදවා...

පොහොට්ටු අර්බුදය ; බැසිල්ට ගහලා පොට වරද්දා ගන්න එපා - විමල්ට, ගම්මන්පිලට අනතුරු හැඟවීම්

පෙබරවාරි 21, 2019

ශ්‍රී ලංකා පොදුජන පෙරමුණ ගොඩනැංවූ නායකත්වයට නිග්‍රහ කර පොට වරද්දා...

මහින්ද අලුත් දේශපාලන පිම්මකට සැරසෙයි !

පෙබරවාරි 16, 2019

ඉදිරි සතිය තුළ අලුත් දේශපාලන පිම්මක් සඳහා සූදානම් වන බව...

චන්දික හතුරුසිංහ සහ දකුණු අප්‍රිකාව අතර ටෙස්ට් තරගය අද

පෙබරවාරි 21, 2019

චන්දික හතුරුසිංහගේ කණ්ඩායම සහ දකුණු අප්‍රිකාව අතර පැවැත්වෙන තරග දෙකකින්...