ශ්‍රී ලංකා ක්‍රිකට් අර්බුදය: ඇන්ජි,ලසිත්, චන්දිමාල්,තිසර ඇමති හරීන් සමඟ විශේෂ හමුවක් - Lanka News Web (LNW)

ශ්‍රී ලංකා ක්‍රිකට් අර්බුදය: ඇන්ජි,ලසිත්, චන්දිමාල්,තිසර ඇමති හරීන් සමඟ විශේෂ හමුවක්

ක්‍රීඩා අමාත්‍ය හරීන් ප්‍රනාන්දු මහතා සහ ශ්‍රී ලංකා ක්‍රිකට් කණ්ඩායමේ ක්‍රීඩකයන් සිව් දෙනෙකු අතර විශේෂ සාකච්ජාවක් පවත්වා තිබේ.

 ඇන්ජලෝ මැතිව්ස් ,ලසිත් මාලිංග,තිසර පෙරේරා, සහ දිනේෂ් චන්දිමාල් එම සාකච්ජාවට සහභාගී වී ඇත.

ශ්‍රී ලංකා කණ්ඩායම ජාත්‍යන්තර තරඟ බිමේ දිගින් දිගටම ලබන පරාජයන් හමුවේ මතුව ඇති අර්බුදය පිළිබඳව මෙම පිරිස සාකච්ජා කර ඇති අතර නැවත ජයග්‍රාහී මාවතට කණ්ඩායම රැගෙන එම සමබන්ධයෙන්ද එහිදී අවධානය යොමුකර ඇති බව සඳහන්.

කණ්ඩායමේ ජ්‍යෙෂ්ඨ ක්‍රීඩකයන් වන මෙම ක්‍රීඩකයන් සිව් දෙනා සමඟ එකම මේසයක සිට සාකච්ජා කළ පළමු අවස්ථාවද මෙය වෙයි.

මීට පෙර අවස්ථාවලදී කණ්ඩායමේ නායකයන් ලෙස කටයුතු කර ඇති දිනේෂ් චන්දිමාල් සහ ලසිත් මාලිංග සමඟ ඇමතිවරයා සාකච්ජා පවත්වා තිබුණි.

එළඹෙන 13 වැනිදා ඇරඹෙන ශ්‍රී ලංකා දකුණු අප්‍රිකානු සංචාරය නවසීලන්ත සහ ඕස්ට්‍රේලියානු සංචාරය වැනි පාරජිත සංචාරයක් නොවන තත්ත්වයට පත්කර ගැනීමේ අභියෝගයක්ද ශ්‍රී ලංකා කණ්ඩායම හමුවේ වෙයි.

අසාර්ථක නවසීලන්ත සහ ඕස්ට්‍රේලියානු සංචාරවලින් පසුව ශ්‍රී ලංකා ටෙස්ට් කණ්ඩායමේ දස්කම් සම්බන්ධයෙන් දැඩි කතාබහට ලක් වූ අතර ක්‍රීඩකයන් සහ නිළධාරීන් සමග සාකච්ඡා කිරීම සඳහා හදිසියේ ක්‍රීඩා ඇමතිවරයා ඕස්ට්‍රේලියාවට ද ගියේය.

ඒ වත්මන් අර්බුදය සම්බන්ධයෙන් තිසර පෙරේරා ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා වෙත යොමුකළ ලිපියෙන් අනතුරුවය.

නවසීලන්ත සහ ඕස්ට්‍රේලියානු සංචාරවලදී ඉනිම 8 කදී ලකුනු 92 ක් පමණක් වාර්තා කළ නායක චන්දිමාල් කණ්ඩායමෙන් ඉවත් කර ඇති අතර දකුණු අප්‍රිකානු සංචාරය සඳහා නායකත්වය දිමුත් කරුණාරත්නට හිමිව තිබේ.

පසුගිය කාලය තුළ ශ්‍රී ලංකා ක්‍රිකට් කණ්ඩායමේ ක්‍රීඩකයන් හා පරිපාලනය, පුහුණුකරුවන් ජයග්‍රහණ ලබා ගැනීම සම්බන්ධයෙන් මාධ්‍ය ඔස්සේ ධනාත්මකව කතා කළද ඔවුන් තරඟ බිමේදී අඛණ්ඩව පරාජය වීම වළක්වා ගත නොහැකි තත්ත්වයට පත්ව තිබේ.

මේ අතර එළඹෙන 21 වෙනි දින ක්‍රිකට් නිලවරණයද පැවැත්වීමට නියමිතය.

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

මසකට ලක්ෂ 24ක් ලාභ ලැබූ වඩේ බිස්නස් එක වැහුණේ ගෝඨා නිසා - නිරෝශන් බදු ගෙව්වාද ?

පෙබරවාරි 17, 2019

මාර්ග අයිනේ වඩේ විකිණීම සඳහා සේවකයින් 60 දෙනෙකු පමණ යොදවා...

මහින්ද අලුත් දේශපාලන පිම්මකට සැරසෙයි !

පෙබරවාරි 16, 2019

ඉදිරි සතිය තුළ අලුත් දේශපාලන පිම්මක් සඳහා සූදානම් වන බව...

පොහොට්ටු අර්බුදය ; බැසිල්ට ගහලා පොට වරද්දා ගන්න එපා - විමල්ට, ගම්මන්පිලට අනතුරු හැඟවීම්

පෙබරවාරි 21, 2019

ශ්‍රී ලංකා පොදුජන පෙරමුණ ගොඩනැංවූ නායකත්වයට නිග්‍රහ කර පොට වරද්දා...

ඒකල ලක්දිව ඉංජිනේරු සමාගම වැඩ පෙන්වයි - මසක් ඇතුළත බස්රථ 6ක් ධාවනයට

පෙබරවාරි 19, 2019

ඒකල ලක්දිව ඉංජිනේරු සමාගම සිය කාර්යක්ෂමතාව වර්ධනය කරමින් මාසයක් ඇතුළදී...