විත අස පත 33 - සිහිනවලට සිනා නොවන්න! - Lanka News Web (LNW)

විත අස පත 33 - සිහිනවලට සිනා නොවන්න!

"පොඩි පුතාත් දැන් කවි ලියන්න පටන් අරං." තාත්තා කීවේය.

ඔහු එසේ කීවේ අපේ නිවසට පැමිණි මාමාට ය. මාමා ගේ පිළිතුර ක්ෂණිකව ම අනෙක් පසින් නැඟුණි.

"කවි ලියල මොනව කරන්නද, බිස්නස් එකක්වත් පටන් ගන්න බලන්නෙ නැතුව?"

මාමා අපේ අම්මාගේ මල්ලී ය. ඔහු දේශීය ආදායම් බදු දෙපාර්තුමේන්තුවේ සහකාර කොමසාරිස්වරයෙකි. ආදායම් බදු නිලධාරියෙකු ලෙස වැඩ පටන් ගත් ඔහුට මෑතක දී සහකාර කොමසාරිස්වරයෙකු ලෙස උසස් වීමක් ලැබුණි. දැන් ඔහු අතේ යහමින් මුදල් ගැවසෙයි. හිත හොඳ මිනිහෙකි. නමුත් ඉඳ හිටෙක මෙසේ සිහිනවලට සිනාසෙයි.

සමහර දිනයක මාමා ඔහුගේ මිතුරු සහකාර කොමසාරිස්වරයෙකු හෝ දෙදෙනෙකු-තිදෙනෙකු කැටුව අපේ නිවසට පැමිණෙයි. එසේ පැමිණි එක් මිතුරෙකු සමඟ සුහද සංවාදයක පැටලුණු මොහොතක ඔහු මට දිගට හරහට ජීවිතය පිළිබඳ උපදෙස් දෙන්නට පටන් ගත්තේය. විභාගයක් ලියා රැකියාවෙන් ඉදිරියට යන හැටි, ඉතුරු කර ගත් මුදලකින් ඉඩමක් ගෙන එහි ගෙයක් හදන හැටි, නියමිත වයසේ දී කසාද බැඳීමේ ප්‍රයෝජන ආදී කාරණා රැසකින් ඔහුගේ උපදෙස් ගොන්න සමන්විත විය.

" හැමෝටම ඕනෙ ඔහොම ජීවිතයක් නෙවෙයි." මම නොසැලකිල්ලෙන් කීවෙමි.

"මේක තමයි ලෝකෙ යන විදිය." කියා මහ හඬින් සිනාසුණු ඔහු නැවතත් මට උපදෙස් දෙන්නට පටන් ගත්තේය.

මම අපහසුවෙන් ඔහුගෙන් ගැලවී කාමරයට රිංගා ගත්තෙමි. ඔහුත් නරක මිනිහෙක් නොවේ. අපේ පවුලට හිතවත් ය. එහෙම කතා කියන්නේ ලෙන්ගතුකමට බව හැඟෙයි. නමුත් ඔහුත් සිහිනවලට සිනාසෙයි.

කැමති අයෙකුට තමන් කැමති සිහිනයක් වෙත පාවී යන්නට නිදහස සහ අයිතිය තිබේ. නමුත් ඔහු කිසි විටෙකත් අනෙකා ගේ සිහිනවලට සිනාසීම නොකළ යුතු ය. මෝටර් රථයක් මිළ දී ගැනීම කෙනෙකුගේ සිහිනයක් වෙද්දී තව එකෙකුගේ සිහිනය නවකතාවක් ප්‍රකාශයට පත් කිරීම විය හැකිය. අයෙක් දොස්තර කෙනෙක් වෙද්දී වෙනකෙකු ක්‍රිකට් ක්‍රීඩකයෙක් වන්නට පුළුවන. රැකියාවෙන් ඉහළ නඟින්නට වෙර දරන උන් රැසක් මැද ජීවිතය සොයා පහළ බසිමින් කවි ලියන්නට තතනන එකෙක් සිටිය නොහැකිද? මේ එක් සිහිනයක් අනෙක් සිහිනයට වඩා උසස් හෝ පහත් යැයි සලකන නිර්ණායකය කුමක්ද? එබැවින් කරුණාකර සිහිනවලට සිනා නොවන්න! සිහින දැකීම මිනිසා සතු අයිතියකි. එය සැබෑ කර ගැනීම ඔහුට ඇති අභියෝගයකි.

- කසුන් සමරතුංග

පෙර තීරු ලිපිය:
විත අස පත 32 - සිරා ගැන නොනිමි සටහන!

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

මසකට ලක්ෂ 24ක් ලාභ ලැබූ වඩේ බිස්නස් එක වැහුණේ ගෝඨා නිසා - නිරෝශන් බදු ගෙව්වාද ?

පෙබරවාරි 17, 2019

මාර්ග අයිනේ වඩේ විකිණීම සඳහා සේවකයින් 60 දෙනෙකු පමණ යොදවා...

අරුන් ‘ආවා-ගියා‘ වේවිද?

පෙබරවාරි 12, 2019

උතුරේ තරුව - අරුන් වෙත ආදරයෙන් ලියමි!

මධුෂ් අඳුනන්නෙ නෑ කියන්න බෑ. හැබැයි වැරදි වැඩට අපි සම්බන්ධ නෑ - ලක්ෂ්මන් යාපා

පෙබරවාරි 13, 2019

පාතාල නායක මධුෂ් පදිංචිව සිටියේ මාකඳුරේ බැවින් තමන් ඔහුව නොහඳුනනා...

ලක්ෂ 9ක ආදායමෙන් ලක්ෂ 20ක වියදම් පියවමින් ව්‍යාපාර කරන හැටි නිරෝශන් කියයි.

පෙබරවාරි 11, 2019

තලවතුගොඩ පිහිටි තම ව්‍යාපාරික ස්ථානයෙන් මසකට ලැබෙන්නේ රුපියල් ලක්ෂ නවයක...