පුවත් - Lanka News Web (LNW)

ආණ්ඩුක්‍රම ව්‍යවස්ථා සභාවට හිටපු විපක්ෂ නායක ආර්. සම්බන්ධන් මහතා විසින් පත් කළ නියෝජිතයින් තවමත් එහි සිටින බැවින් ඔවුන් වහාම ඉල්ලා අස්විය යුතු බව එක්සත් ජනතා නිදහස් සන්ධාන පාර්ලිමේන්තු මන්ත්‍රී වාසුදේව නානායක්කාර මහතා පවසයි. සම්බන්ධන් මහතාගේ නියෝජිතයා තවමත් එම සභාව තුළ කටයුතු කරන්නේ කෙසේදැයි මන්ත්‍රීවරයා දැඩිව ප්‍රශ්න කර සිටියේය.

මන්නාරම - වව්නියාව - ත්‍රිකුණාමලය යා කරමින් අධිවේගී මාර්ගයක් ඉදි කරන බව අග්‍රාමාත්‍ය රනිල් වික්‍රමසිංහ මහතා පවසයි.

කොකේන් මත්ද්‍රව්‍ය පානය කරන්නන් කැබිනට් මණ්ඩලයේ ද සිටින බවට රංජන් රාමනායක අමාත්‍යවරයා කළ ප්‍රකාශය අනුව ජනාධිපති මෛත්‍රීපාල සිරිසේන මහතා වහාම රංජන් රාමනායක මහතාගෙන් ප්‍රශ්න කළ යුතු බව එක්සත් ජනතා නිදහස් සන්ධාන පාර්ලිමේන්තු මන්ත්‍රී රෝහිත අබේගුණවර්ධන මහතා පවසයි.

පාතාල නායක මාකඳුරේ මධුෂ් විසින් පැවැත්වූ සාදයකට සහභාගීව සිටියදී ඩුබායි පොලිසිය විසින් අත් අඩංගුවට ගෙන රක්ෂිත බන්ධනාගාරගත කර සිටින ගායක අමල් පෙරේරා සහ ඔහුගේ පුත් නදීමාල් පෙරේරා යන දෙදෙනාට තවමත් චෝදනා ගොනු කර නොමැති බවත් ශ්‍රී ලංකාවේ නීතියට සාපේක්ෂව බැලූවිට ඔවුන් තවමත් සිටින්නේ පොලිසිය විසින් අධිකරණයට ඉදිරිපත් කර ඇති බී වාර්තාවක් මත සැකපිට රඳවා ගෙන සිටින මට්ටමේ බවත් ඔවුන්ගේ පවුලේ නීතීඥ ශාබ්දික වෙල්ලප්පිලි මහතා පවසයි.

කොකේන් මත්ද්‍රව්‍ය භාවිතා කරන කැබිනට් අමාත්‍යවරුන් සිටින බවට චෝදනා කළ රංජන් රාමනායක රාජ්‍ය අමාත්‍යවරයා ඔවුන්ව හෙළිදරව් කරන්නේ නම් තමන් ඔවුන්ව පක්ෂයෙන් ඉවත් කරන බව එක්සත් ජාතික පක්ෂ සභාපති, අමාත්‍ය කබීර් හෂීම් මහතා පවසයි.

මත්ද්‍රව්‍ය, මත්පැන්, හොර සිගරැට්, රත්රන් ඇතුළු නීත්‍යනුකූල නොවන ආකාරයෙන් මෙරට වෙත ගෙනඑන භාණ්ඩ හඳුනා ගැනීම සඳහා නවීන තාක්ෂණයෙන් යුක්ත ස්කෑනර් යන්ත්‍ර තුනක් කොළඹ වරායේ ස්ථාපිත කරන බව ශ්‍රී ලංකා රේගු අධ්‍යක්ෂක ජනරාල් පී.එස්.එම්. චාල්ස් මහත්මිය පවසයි. එම ස්කෑනර් යන්ත්‍රවල මෙහෙයුම් කටයුතු මාර්තු මස පළමුවැනිදා සිට ආරම්භ කරන බවයි අධක්ෂ ජනරාල්වරිය පවසන්නේ.

විදෙස් රටවලින් වාහන ආනයනය කිරීම මේ වනවිට විශාල ප්‍රමාණයකින් පහත වැටී ඇති බව වාහන ආනයනකරුවන් ප්‍රකාශ කරයි. මේ වනවිට වාහන ආනයනය 90% කින් පහත වැටී ඇති බව වාහන ආනයනකරුවන්ගේ සංගමයේ සභාපතිවරයා පෙන්වා දෙයි.

ඉදිරි සතිය තුළ අලුත් දේශපාලන පිම්මක් සඳහා සූදානම් වන බව එක්සත් ජනතා නිදහස් සන්ධානයේ මහ ලේකම් පාර්ලිමේන්තු මන්ත්‍රී මහින්ද අමරවීර මහතා පවසයි. ඒ සම්බන්ධයෙන් ඉදිරි දිනවලදී ප්‍රකාශ කරන බවයි ඔහු සතිඅන්ත පුවත්පතකට පවසා ඇත්තේ.

නීතිවිරෝධී මත්ද්‍රව්‍ය ජාවාරම්වලට සම්බන්ධ බවට සැකපිට අත්අඩංගුවට ගන්නා විදේශිකයන් සම්බන්ධයෙන් ගන්නා නීතිමය ක්‍රියාමාර්ග පිළිබඳව ඩුබායි පොලීසියට ද විවිධ චෝදනා එල්ල වී ඇති බව එරට සංවිධානයක් පවසයි. ඩිටේන් ඉන් ඩුබායි සංවිධානය පෙන්වා දෙන්නේ අත්අඩංගුවට ගන්නා විදේශිකයන් සම්බන්දයෙන් විමර්ශන කටයුතු නිසිලෙස සිදු නොකිරීම පිළිබඳව ඩුබායි පොලීසියට එරෙහිව චෝදනා තිබෙන බවයි.

අතුරුදන්ව සිටින සිය සැමියා වන, ජනතා විමුක්ති පෙරමුණේ නිර්මාර්තෘ රෝහණ විජේවීර මහතා අධිකරණයට ඉදිරිපත් කරන්නැයි ඉල්ලා විජේවීරගේ බිරිඳ වන චිත්‍රාංගනී විජේවීර ඉදිරිපත් කළ පෙත්සම ප්‍රතික්ෂේප කිරීමට අභියාචනාධිකරණය ඊයේ (15) තීරණය කළේය. ඒ අදාල පෙත්සම විභාගයට ගැනීමෙන් තොරවයි.

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

නිරෝශන්ගේ ප්‍රකාශය ; ලංකා බැංකුවේ සභාපතිට පැමිණිල්ලක්

පෙබරවාරි 10, 2019

පසුගිය 08 වනදා එක්සත් ජනතා නිදහස් සන්ධාන පාර්ලිමේන්තු මන්ත්‍රී නිරෝශන්...

අරුන් ‘ආවා-ගියා‘ වේවිද?

පෙබරවාරි 12, 2019

උතුරේ තරුව - අරුන් වෙත ආදරයෙන් ලියමි!

මධුෂ් අඳුනන්නෙ නෑ කියන්න බෑ. හැබැයි වැරදි වැඩට අපි සම්බන්ධ නෑ - ලක්ෂ්මන් යාපා

පෙබරවාරි 13, 2019

පාතාල නායක මධුෂ් පදිංචිව සිටියේ මාකඳුරේ බැවින් තමන් ඔහුව නොහඳුනනා...

පොලිස්පති තුමනි, මධුෂ්ට එරෙහිව කුඩු චෝදනාවක විස්තර දෙන්න !

පෙබරවාරි 10, 2019

පසුගිය 05 වනදා ඩුබායිහිදී අත් අඩංගුවට ගත් පාතාල නායක මාකඳුරේ...