අලි මිනිස් ගැටුමට හේතුව - තිරසර සංවර්ධන අරමුණු අවබෝධ කර නොගැනීමයි - Lanka News Web (LNW)

අලි මිනිස් ගැටුමට හේතුව - තිරසර සංවර්ධන අරමුණු අවබෝධ කර නොගැනීමයි

අලි මිනිස් ගැටුම උග්‍ර වීමට ප්‍රධානතම සාධකයක් වී ඇත්තේ තිරසර සංවර්ධන සංකල්පය පිළිබඳ නිසි අවබෝධයක් නොමැති වීම බව පේරාදෙණිය විශ්වවිද්‍යාලයේ ජ්‍යෙෂ්ඨ කථිකාචාර්ය තිලක් විජේතුංග බණ්ඩාර මහතා පවසයි.
 
මේ වන විට ශ්‍රී ලංකාවේ දිස්ත්‍රික්ක 13 කට මෙම අලි මිනිස් ගැටුම බලපා ඇති බවයි ඔහු පවසන්නේ.
 
ජ්‍යෙෂ්ඨ කතිකාචාර්ය තිලක් විජේතුංග බණ්ඩාර මහතා එම අදහස් පළ කර ඇත්තේ පසුගියදා මහනුවර දිස්ත්‍රික් ලේකම් කාර්යාලීය නව ශ්‍රවනාගාරයේ පැවති තිරසර සංවර්ධන ඉලක්ක හඳුන්වා දීම සඳහා මහනුවර දිස්ත්‍රික්කයේ සංවර්ධන නිලධාරීන් ඇතුළු ක්ෂේත්‍ර නිලධාරීන්ගේ වැඩමුළුවකට සහභාගී වෙමිනි.
 
පරිසර අභිබවා යෑම
 
සාමාන්‍යයෙන් අලියෙක් දිනකට කිලෝ සියයකට වඩා වැඩි ආහාර ප්‍රමාණයක් ලබා ගන්නා සතෙක් වන අතර විශාල දුරක් ඇවිදිමින් ආහාර සෙවීම අලියාගේ දෛනික චර්යාවක් බවත් ඔහු පෙන්වා දී තිබේ.
 
සංවර්ධන කටයුතු දියත් කිරීමේදී තිරසර සංවර්ධනය ගැන අවධානය යොමු නොකරමින් අලි ඇතුන් ජීවත්වන ප්‍රදේශ මුල් කොට ගෙන ජනාවාස ඉදිකිරීම් ඇතුළු සෙසු සංවර්ධන කටයුතු සිදු කිරීම නිසා අද වන විට ලංකාවේ අලි මිනිස් ගැටුම උග්‍ර වී ඇති බව කථිකාචාර්යවරයා පෙන්වා දෙයි.
 
එම නිසා සංවර්ධන සැලසුම් සකස් කිරීමේදී, කෙටිකාලීන විසඳුම්වලට නොගොස් දිගුකාලීන සැලසුම් මත සංවර්ධන කටයුතු දියත් කිරීම රජයේ නිලධාරීන්ගේ යුතුකම සහ වගකීම බව ඔහු අවධාරණය කරයි.
 
තිලක් විජේතුංග බණ්ඩාර මහතා වැඩිදුරටත් අවධාරණය කරන්නේ, මිනිසා පරිසර අභිබවා යෑම නිසා අද වන විට ගැටළු රැසක් මතුව ඇති බවයි.
 
සද්ධන්තයෙකුගේ අවසානය
 
මේ අතර කන්තලේ ප්‍රදේශිය ලේකම් කොට්ඨාසයේ වාන්ඇල ප්‍රදේශයේ දී විදුලිසැර වැදීමෙන් වන අලියෙකු දෙසැම්බර් 12 බදාදා රාත්‍රියේදී  ජීවිතක්ෂයට පත්ව තිබේ.
 
වාන්ඇල ගම්නයේ ගෙවත්තක වැටකට ඇද තිබූ අධි බලැති විදුලි රැහැනක ගැටීමෙන් මෙම වන අලියාට විදුලි සැර වැදී ඇති බව වාර්තා වේ.
 
විදුලි වැටට කොහොඹ අත්තක් කඩා දමා, විදුලි වැට විනාශ කරමින්, වන අලියා මෙම ප්‍රදේශයට පැමිණ ඇති බවට වාර්තා වන අතර මිය ගිය වන අලියා අවුරුදු 40ක පමණ වයසක පසුවන උස අඩි 9 ක් පමණ වන බව වනජීවි නිලධාරීන් පවසයි.
 
CR

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

සමනලීගෙන් සිරසට සහ මව්බිමට පිළිතුරු

ජනවාරි 11, 2019

ඊයේ දින අප විසින් දියත් කළ සාමකාමී මාධ්‍ය විරෝධය විකෘති...

දොස්තරගේ වාහනයට ලක්ෂ 20ක් ගෙවනකල් රෝහල අරින්න බෑ - GMOA

ජනවාරි 13, 2019

දැනට වසා දමා ඇති ගලහ ප්‍රාදේශීය රෝහල යළි විවෘත කිරීමට...

මහින්දගේ මන්ත්‍රීකම බේරලා දුන්නේ අනුකම්පා කරලා - දුමින්ද

ජනවාරි 11, 2019

මහින්ද රාජපක්ෂ මහතා ඇතුළු පොහොට්ටු සාමාජිකත්වය ලබාගත් මන්ත්‍රීවරුන්ගේ මන්ත්‍රීධුර ආරක්ෂා...

ජනාධිපතිතුමා වෙත කණගාටුවෙන් ලියමි

ජනවාරි 15, 2019

ඔබතුමා ගැන මා සිත තුල ඇත්ත බලවත් කණගාටුවකි. ඔබතුමාට මෙවැනි...