හැටන් නගරයේ වෙළෙඳසල් වසා දමා කළු කොඩි ඔසවයි

හැටන් නගරයේ වෙළෙඳසල් වසා දමා කළු කොඩි ඔසවයි

24 October 2018 07:10 am

වතු කම්කරුවන්ගේ මුලික වැටුප රු 1000 දක්වා වැඩි කරන ලෙස වතු සමාගම්වලට බල කරමින් දියත් කර ඇති උද්ඝෝෂණ ව්‍යාපාරවලට සහයෝගය දක්වා හැටන් නගරයේ සියලුම වෙළෙඳසල් කළු කොඩි ඔසවා වසා දමා තිබේ.
 
හැටන් නගරයේ වෙළෙඳසල්වල රැකියා කරන සේවකයින් සහ හැටන් නගරයේ ත්‍රිරෝද රථ රියදුරන්, වෑන් රථ හිමියන් ඇතුළු සියළු දෙනා මේ වන විට වතු කම්කරු වැටුප් සටනට සහය පළකර තිබේ.
 
වතු කම්කරුවන්ගේ මූලික වැටුප  රු. 1200 දක්වා වැඩි කිරීමට ජනාධිපතිවරයාට හා අග්‍රාමාත්‍යවරයාට මැදිහත් වන ලෙස ඉල්ලමින් සංදේශයක්  භාර දීමට බගවන්තලාව නගරයේ සිට ඊයේ (23) දහවල් කොළඹ දක්වා පා ගමනක් ආරම්භ කර ඇති  හැටන් වැලිඔය වත්තේ තරුණයන් පිරිසක් අද (24) දෙවනි දිනට හැටන් නගරයේ සිට ගමන් ආරම්භ කරනු ලැබීය. 
 
වතු සමාගම්, වතු එකාබද්ධ වෘත්තිය සමිති වෙත අවධාරණය කර ඇත්තේ වතු කම්කරුවෙකුට දැනට  ගෙවන  රු 530 රු 600  දක්වා වැඩි කළ හැකි බවයි. එහෙත් එම යෝජනාව වතු ඒකාබද්ධ වෘත්තිය සමිති ප්‍රතික්ෂේප කර ඇත.
 
චමත් කාවින්ද - හැටන් 
{gallery}Hatton wathu{/gallery}