ජනාධිපති ජනතාවගේ ප්‍රජාතන්ත්‍රවාදය හොරකම් කරලා! - Lanka News Web (LNW)

ජනාධිපති ජනතාවගේ ප්‍රජාතන්ත්‍රවාදය හොරකම් කරලා!

ජනාධිපතිවරයා සතු බලතල වහා ඉවත් කරන ලෙස බල කරමින් හැටන් නගරයේ වතුකරයේ තරුණයන් පිරිසක් අද (10) විරෝධතාවයක නියැලුණි.

ප්‍රජාතන්ත්‍රවාදය සඳහා වූ තරුණයෝ නම් වූ සංවිධානය විසින් එම විරෝධතාව සංවිධානය කර තිබුණි. එම සංවිධානයේ සමාජික එස්. සතිස් කුමාර් මහතා කියා සිටියේ 2015 වසරේ මේ රටේ වත්මන් ජනාධිපතිවරයා බලයට පත්කර යහපාලනයක් ඇති කිරීමට වතුකරයේ තරුණ තරුණියන්ගේ ඡන්දය ලබා දුන් බවයි.

මහින්ද රාජපක්ෂ මහතාට හොරා යැයි කී ජනාධිපතිවරයා දැන් රනිල් වික්‍රමසිංහ මහතාට ද හොරා යැයි චෝදනා කරමින් සිටින අතර කෙසේ වෙතත් මෙම සිදුවීම් හරහා පෙනෙන්නට ඇත්තේ ජනාධිපතිවරයා ජනතාවගේ ප්‍රජාතන්ත්‍රවාදය හොරකම් කර ඇති බව යැයි සතිස් කුමාර් මහතා ප්‍රකාශ කළේය.

ජනාධිපතිවරයා සතු ව්‍යවස්ථාවේ බලතල ඉවත් කර එම බලතල පාර්ලිමේන්තුවට ලබාදෙන බවට 2015 ජනාධිපතිවරණයේදී මෛත්‍රීපාල සිරිසේන මහතා පොරොන්දු වූ අතර එම පොරොන්දු මෙතෙක් ඉටු නොකිරීම නිසා වර්තමානයේ රට අරාජික තත්ත්වයට පත් වී ඇති බවයි ඔහු පෙන්වා දුන්නේ.

තවදුරටත් ජනාධිපතිවරයා සතු ව්‍යවස්ථාවේ බලතල ආරක්ෂා වුවහොත් ජනාතාව සතු පරමාධිපත්‍යය බලය නැති වී යන බව එස්. සතිස් කුමාර් මහතා කියා සිටියේය.

මෙම විරෝධතාවයට යොවුන් පාර්ලිමේන්තුව නියෝජනය කළ වතුකරයේ තරුණයන් පිරිසක්ද සහභාගි වී සිටියේය.

චමත් කාවින්ද - හැටන්

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

සමනලීගෙන් සිරසට සහ මව්බිමට පිළිතුරු

ජනවාරි 11, 2019

ඊයේ දින අප විසින් දියත් කළ සාමකාමී මාධ්‍ය විරෝධය විකෘති...

දොස්තරගේ වාහනයට ලක්ෂ 20ක් ගෙවනකල් රෝහල අරින්න බෑ - GMOA

ජනවාරි 13, 2019

දැනට වසා දමා ඇති ගලහ ප්‍රාදේශීය රෝහල යළි විවෘත කිරීමට...

මහින්දගේ මන්ත්‍රීකම බේරලා දුන්නේ අනුකම්පා කරලා - දුමින්ද

ජනවාරි 11, 2019

මහින්ද රාජපක්ෂ මහතා ඇතුළු පොහොට්ටු සාමාජිකත්වය ලබාගත් මන්ත්‍රීවරුන්ගේ මන්ත්‍රීධුර ආරක්ෂා...

ජනාධිපතිතුමා වෙත කණගාටුවෙන් ලියමි

ජනවාරි 15, 2019

ඔබතුමා ගැන මා සිත තුල ඇත්ත බලවත් කණගාටුවකි. ඔබතුමාට මෙවැනි...