පාර්ලිමේන්තු චණ්ඩි තෙවන වතාවටත් CIDය මඟහරී - Lanka News Web (LNW)

පාර්ලිමේන්තු චණ්ඩි තෙවන වතාවටත් CIDය මඟහරී

පසුගිය නොවැම්බර් 14,15,16 යන දිනවල පාර්ලිමේන්තු සභා ගර්භය තුළ කළහකාරී ලෙස හැසිරෙමින් මහජන දේපළවලට හානි කිරීම සහ මන්ත්‍රීවරුන්ටත් පොලිස් නිලධාරීන්ටත් පහරදීම සම්බන්ධයෙන් ප්‍රකාශ සටහන් කර ගැනීම සඳහා අපරාධ පරීක්ෂණ දෙපාර්තමේන්තුව වෙත පැමිණෙන ලෙස දන්වා තිබුණු මන්ත්‍රීවරුන් පස් දෙනෙකු අද (05) දිනයේත් එය මඟහැර ඇතැයි වාර්තා වේ.

 

ප්‍රසන්න රණවීර, ජොන්ස්ටන් ප්‍රනාන්දු ඇතුළු මෙම මන්ත්‍රීවරුන්ට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම් දී ඇත්තේ තුන්වන වතාවටය. ඔවුන් ඒ තුන් වතාවේදීම එය මඟහැර තිබේ.

මේ පිළිබඳව විමසීමේදී ප්‍රසන්න රණවීර මන්ත්‍රීවරයා ප්‍රකාශ කර තිබුණේ අද අයවැය ලේඛනය ඉදිරිපත් කෙරෙන නිසා CIDය වෙත නොගිය බවකි. අයවැය ඉදිරිපත් කරන්නේ ප්‍රසන්න රණවීර විසින් නොව මුදල් අමාත්‍ය මංගල සමරවීර විසින් වන අතර එයත් පස්වරුවේය. මන්ත්‍රීවරුන් CIDයට කැඳවා තිබුණේ පෙරවරුවේය.

මෙම පාර්ලිමේන්තු ගැටුම සම්බන්ධයෙන් සිදු කෙරෙන විමර්ශන කටයුතු සඳහා මන්ත්‍රීවරුන්ගෙන් ප්‍රකාශ සටහන් කර ගැනීමට කථානායක කරූ ජයසූරිය මහතාගේ ද අනුමැතිය හිමිව තිබේ.

මන්ත්‍රීවරුන් ප්‍රකාශ ලබා නොදී මෙසේ දිගින් දිගටම මඟ හරින්නේ නම් එකම විකල්පය ලෙස ඉතිරි වනු ඇත්තේ ඔවුන් සිටිනා තැනක් සොයාගොස් අපරාධ පරීක්ෂණ දෙපාර්තමේන්තුව වෙත රැගෙන ඒම බවයි ආරංචිමාර්ග සඳහන් කළේ.

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

මිරිස් කුඩු ගැහුවේ ගෙනත් දීපු නිසා. මම ඔක්කොම කියනවා - ප්‍රසන්න

මාර්තු 20, 2019

පාර්ලිමේන්තු සභා ගර්භය තුළ පොලිස් නිලධාරීන්ට සහ මන්ත්‍රීවරුන්ට මිරිස් කුඩු...

ගෝඨාට මං ඕක දෙන්නෙ නෑ. ගාණට කරකවලා මගෙ අතට ගන්නම් - මහින්ද

මාර්තු 23, 2019

ඊයේ මහින්ද රාජපක්ෂ මහතාගේ නිවසේ රාත්‍රී කෑම මේසයෙහි මාතෘකාව වී...

විජිතමුණි පිල තීරණය කරයි:"මම රාජපක්ෂලත් එක්ක නැහැ"

මාර්තු 20, 2019

රාජපක්ෂවරුන්ට ඉදිරියේ තමන් සහය නොදෙන බව පාර්ලිමේන්තු මන්ත්‍රී විජිත් විජයමුණි...

නාගානන්ද කොඩිතුවක්කුගේ නීතීඥ භාවය වසර 3කට අහෝසි කරයි

මාර්තු 18, 2019

නීතිඥ නාගානන්ද කොඩිතුවක්කු මහතාගේ නීතිඥභාවය වසර 03 කට අහෝසි කිරීමට...