සහරාන් හෂීම් පැතූ ලෝකය අපි ගොඩනඟමින් සිටින්නෙමු !

සහරාන් හෂීම් පැතූ ලෝකය අපි ගොඩනඟමින් සිටින්නෙමු !

14 May 2019 10:24 am

මෙම ඡායාරූපවලින් දැක්වෙන්නේ පසුගිය දෙදින තුළ අමන මුග්ධයින් පිරිසක් විසින් කළ විනාශයෙන් සුළු කොටසකි.

 

පාස්කු ඉරිදා බෝම්බ ප්‍රහාරයෙන් සති තුනකටත් පසුව මේ ගොඩ නැඟෙමින් පවතින්නේ කුමක්ද ?

බෝම්බ ප්‍රහාර එල්ල කළ සහරාන් හෂීම් නම් ඉස්ලාම් අන්තවාදියා මීට කලකට ඉහත නිකුත් කර තිබුණු වීඩියෝවක පවසන්නේ මහනුවර, දිගන ප්‍රදේශයේදී මුස්ලිම් ජනතාවට එරෙහිව එල්ල කෙරුණු ප්‍රහාරයට පළිගන්නා බවයි. "ඇහැට ඇහැක් - දතට දතක්" න්‍යායට අනුව පළිගන්නා බවයි. ඔහුගේ ප්‍රාර්ථනය වී තිබුණේ තමන්ගෙන් පසුත් පළිගැනීමට අන්තවාදීන් පිරිසක් බිහි කිරීමයි.

සහරාන් හෂීම් බෝම්බ ප්‍රහාර වැලකින් සිය පළිගැනීම සම්පූර්ණ කරමින් පරලොව ගිය පසුව අපේ සිංහල සහරාන්ලාට ද වුවමනා වූයේ "ඇහැට ඇහැක්" ක්‍රමවේදය අනුවම අල්ලපු වැටේ මුසල්මානුවාගෙන් පළිගැනීමටයි.

සති තුනක් තිස්සේ යහමින් ජාතිවාදී තෙල් යොදා පෝෂණය කෙරුණු ගින්න පසුගිය දෙදින තුළ බුර බුරා ඇවිළුණි. තව කොතෙක් දුර ඇවිළෙයිද නොදනී.

සහරාන් හෂීම්ට මීට සති තුනකට පෙර සිටියේ මරාගෙන මැරෙන බෝම්බකරුවන් 10 දෙනා නම් එය 100 දෙනෙකු දක්වා වැඩි කරදීමේ කොන්ත්‍රාතුව සිංහල සහරාන්ලා විසින් සම්පූර්ණ කර තිබේ. එනම්, සහරාන් හෂීම් පැතූ ලෝකය ගොඩනැගෙමින් තිබේ.

අවිහිංසාවාදයේ පියා වශයෙන් සැලකෙන මෝහන්දාස් කරම්චන්ද් ගාන්ධි හෙවත් මහත්මා ගාන්ධි වරක් ප්‍රකාශ කර තිබුණේ ඇහැට ඇහැක් න්‍යාය ක්‍රියාවට නැඟූවිට ලෝකය අන්ධ වන බවය.

ඒ බව නොතේරෙන්නට තරම් අපි අන්ධ ජාතියන් වන්නෙමු. සහරාන් හෂීම් පැතූ ලෝකය අපි අපේම දෑතින් ගොඩනඟමින් සිටින්නෙමු.

{gallery}Anti Muslim Attack{/gallery}