"රනිල් එජාපයේ පසුපෙළ කිසිවෙකුට හිස එසවීමට ඉඩ දෙන් නෑ" මෛත්‍රී - Lanka News Web (LNW)

"රනිල් එජාපයේ පසුපෙළ කිසිවෙකුට හිස එසවීමට ඉඩ දෙන් නෑ" මෛත්‍රී

වසර 25 ක් එක්සත් ජාතික පක්ෂයේ නායකයාව සිටින රනිල් වික‍්‍රමසිංහ මහතා එහි පසුපෙළ කිසිවෙකුට හිස එසවීමට ඉඩ නොදෙන බව ජනාධිපතිවරයා පවසයි.
 
රටේ නීතිය සහ ප‍්‍රජාතන්ත‍්‍රවාදය පිළිබඳ ඉහළින් කතා කරන ඔහු පළමුව තම පක්ෂය ප‍්‍රජාතන්ත‍්‍රවාදී කරගත යුතු බවයි ජනාධිපති මෛත්‍රීපාල සිරිසේන මහතා පවසන්නේ.
 
පක්ෂය තුළ නැති ප‍්‍රජාතන්ත‍්‍රවාදයක් රට තුළ ඇති කිරීමට රනිල් වික‍්‍රමසිංහ මහතාට හැකියාවක් නොමැති බව ජනාධිපතිවරයා පවසා ඇත්තේ දෙසැම්බර් 5 බදාදා  ජනාධිපති කාර්යාලයේ පැවති සාකච්ඡාවකදී ය.
 
කුමන හේතුවක් නිසාවත් රටේ සංවර්ධන ක්‍රියාදාමය සහ මහජන සුබසාධන සේවාවන් අඩපණ නොවිය යුතු බව ජනාධිපතිතුමා එම සාකච්ඡාවේදී  අවධාණය කළ බව ජනාධිපති මාධ්‍ය ඒකකය පවසයි.
 
පවතින දේශපාලන නොසන්සුන්තාවය ගැටලුවක් කර නොගෙන මහජන සේවාවන් සහ සංවර්ධන වැඩපිළිවෙළ සක්‍රීයව ඉදිරියට ක්‍රියාත්මක  කිරීමට නිලධාරින් කැපවිය යුතු බවත් ඔහු එහිදී අවධාරණය කර තිබේ.
 
පසුගිය වසර තුනහමාර තුළ පැහැරහරින ලද උතුරු නැගෙනහිර ජනතාවගේ සංවර්ධන අවශ්‍යතා ඉටු කිරීමට උතුරු නැගෙනහිර සංවර්ධනය වෙනුවෙන් තමා විසින් පත්කරන ලද ජනාධිපති කාර්ය සාධන බලකාය යටතේ සුවිශේෂී මෙහෙවරක් ඉටු වෙමින් පවතින බව ද ජනාධිපතිතුමා එම සාකච්ඡාවේදී සදහන් කළ බව ජනාධිපති මාධ්‍ය ඒකකය වැඩිදුරටත් සදහන් කරයි.
 
CR

නවතම පුවත්

මැයි 27, 2019

කේරළයට ගිය ලාංකිකයන් ISIS සාමාජිකයන්ද ? ඉන්දීය පොලීසිය අවධානයෙන් !

මේ වනවිට ඉන්දියාවේ කේරළ ප්‍රාන්තය වෙත ගොස් සිටින බව කියන ශ්‍රී ලාංකිකයන් 15 දෙනෙකු පිළිබඳ ඉන්දීය…

මැයි 27, 2019

බදුරලිය අත්බෝම්බ සැකකරුගේ සොහොයුරාත් අත්අඩංගුවට

බදුරලිය දික්හේන ප්‍රදේශයේ පාසලක් අසල අත්බෝම්බ 13ක් අඩංගු මල්ලක් තැබීමේ චෝදනාව යටතේ දැනට අත් අඩංගුවේ…

මැයි 27, 2019

ත්‍රස්තවාදය සහ අන්තවාදය පරාජය කිරීම සඳහා ශ්‍රීලනිපයෙන් අලුත් යෝජනාවලියක්

ඇතැම් ජාතීන් විසින් කරන නොමනා ක්‍රියා හේතුවෙන් සිංහල ජාතියට බොහෝ දෙනා දොස් නගන බව අස්ගිරි පාර්ශවයේ…

Connect with Us

fb twitter youtube g ins in

Outbound wb