අපි අපේ නායකයින්ටත් අනතුරු අඟවනවා - Lanka News Web (LNW)

අපි අපේ නායකයින්ටත් අනතුරු අඟවනවා

ඉදිරි ජනාධිපතිවරණයේදී අපේක්ෂකයා තෝරා ගැනීමේදී ශ්‍රී ලංකා පොදුජන පෙරමුණේ මතයට ප්‍රමුඛස්ථානයක් දීමට නායකයින් ක්‍රියා කළ යුතු බව පාර්ලිමේන්තු මන්ත්‍රී කාංචන විජේසේකර මහතා පැවසීය.

ඔහු මේ බව සඳහන් කළේ අද (11) ශ්‍රී ලංකා පොදුජන පෙරමුණේ ප්‍රධාන කාර්යාලයේ පැවති මාධ්‍ය හමුවේදීය.

රටේ බහුතර ජනතාවක් ඉල්ලා සිටින නායකයා හෙයින් ජනාධිපති අපේක්ෂකයා තෝරා ගැනීමේදී බහුතර මතයට අවනත විය යුතු බවයි මන්ත්‍රීවරයා පෙන්වා දුන්නේ.

"ශ්‍රී ලංකා නිදහස් පක්ෂයේ අපේක්ෂකයා විදිහට 2015 ජනවාරි 08 වැනිදා මැතිවරණයට මහින්ද රාජපක්ෂ මහතාගේ නම යෝජනා කරපු අයම විපක්ෂයේ අපේක්ෂයා වුණා. ඒ නිසා මේ නම් යෝජනා කරන අය ඊළඟට විපක්ෂයේ බලකණු වෙන්න පුළුවන් කියන සැකය අපිට තියෙනවා. පොදුජන පෙරමුණයි එජාප විරෝධී සටනේ ප්‍රධාන පක්ෂය විදිහට කටයුතු කළේ."

එහෙයින් ජනාධිපති අපේක්ෂකයා තෝර ගැනීමේදී විශේෂයෙන් ශ්‍රී ලංකා පොදුජන පෙරමුණේ තරුණ කණ්ඩායමේ මතය පිළිබඳ අවධානය යොමුකළ යුතු බවට නායකයින්ට අනතුරු අඟවා සිටින බව මන්ත්‍රීවරයා කියා සිටියේය.

"පළාත් පාලන මැතිවරණයේදී ශ්‍රී ලංකා නිදහස් පක්ෂයට 14%ක ජන වරමක් ලැබිල තියෙනවා. ඒ 14% ජනවරම නියෝජනය කරමින් මීළඟ ජනාධිපතිවරයා ලෙස මෛත්‍රීපාල සිරිසේන මහතා පොදුජන පෙරමුණේ සහයෙන් පත්විය යුතු බව මහින්ද සමරසිංහ ප්‍රකාශයක් කළා. කල්පනා කරලා බැලුවහම විවිධ අදහස් තියෙන්න පුළුවන්. ශ්‍රීලනිපයට වගේම පොදුජන පෙරමුණටත් ඒ වගේ යෝජනා තියෙන්න පුළුවන්. සන්ධානයක් නිර්මාණය වෙනවා නම් ඒ සන්ධානයේ පක්ෂවලට යෝජනා තියෙන්න පුළුවන්. පොළවේ යථාර්ථයත් එක්ක ඒ යෝජනා ගැන සිතිය යුතුයි.

ඒ අනුව ශ්‍රී ලංකා නිදහස් පක්ෂය 14%කජන්ද ප්‍රතිශතයක් ගත් වෙලාවේ හිටපු කී දෙනෙක් දැන් ශ්‍රීලනිපයත් එක්ක ඉන්නවාද යන්න පිළිබඳවත් සිතා බැලිය යුතු බව මන්ත්‍රීවරයා වැඩිදුරටත් ප්‍රකාශ කළේය.

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

සමනලීගෙන් සිරසට සහ මව්බිමට පිළිතුරු

ජනවාරි 11, 2019

ඊයේ දින අප විසින් දියත් කළ සාමකාමී මාධ්‍ය විරෝධය විකෘති...

දොස්තරගේ වාහනයට ලක්ෂ 20ක් ගෙවනකල් රෝහල අරින්න බෑ - GMOA

ජනවාරි 13, 2019

දැනට වසා දමා ඇති ගලහ ප්‍රාදේශීය රෝහල යළි විවෘත කිරීමට...

මහින්දගේ මන්ත්‍රීකම බේරලා දුන්නේ අනුකම්පා කරලා - දුමින්ද

ජනවාරි 11, 2019

මහින්ද රාජපක්ෂ මහතා ඇතුළු පොහොට්ටු සාමාජිකත්වය ලබාගත් මන්ත්‍රීවරුන්ගේ මන්ත්‍රීධුර ආරක්ෂා...

ජනාධිපතිතුමා වෙත කණගාටුවෙන් ලියමි

ජනවාරි 15, 2019

ඔබතුමා ගැන මා සිත තුල ඇත්ත බලවත් කණගාටුවකි. ඔබතුමාට මෙවැනි...