නව ව්‍යවස්ථාව පිළිබඳ කමිටු යෝජනා 5 ක් පාර්ලිමේන්තුවට ! - Lanka News Web (LNW)

නව ව්‍යවස්ථාව පිළිබඳ කමිටු යෝජනා 5 ක් පාර්ලිමේන්තුවට !

යෝජිත නව ආණ්ඩු ක්‍රම ව්‍යවස්ථාව සම්බන්ධයෙන් පත්කල විද්වත් කමිටු විසින් සකස් කළ වාර්තා 05 ක් අග්‍රාමාත්‍ය රනිල් වික්‍රමසිංහ මහතා විසින් අද (11) පාර්ලිමේන්තුව වෙත ඉදිරිපත් කළේය. එම වාර්තා ඉදිරිපත් කරමින් ඔහු ප්‍රකාශ කළේ නව ආණ්ඩු ක්‍රම ව්‍යවස්ථාවක් මගින් රට පාවාදෙන බවට ඇතැම් පාර්ශ්ව බියට පත්ව ඇති බවයි. එසේම බුදුදහමට ඇති ප්‍රමුඛතාවය ද අහිමි කරන බවට ඇතැම් පුද්ගලයන් චෝදනා කරන බව පෙන්වා දුන් අගමැතිවරයා ප්‍රකාශ කලේ එවැනි බියක් ඇතිකර ගත යුතු නොමැති බවයි.

අද පාර්ලිමේන්තුව පෙරවරු 11 ආරම්භ වූ අතර 12.30 දක්වා එය ක්‍රියාත්මක වූයේ ආණ්ඩු ක්‍රම ව්‍යවස්ථා මණ්ඩලය ලෙසයි.

කමිටු වාර්තා 05 ඉදිරිපත් කිරීමෙන් පසුව පැවති විවාදය සඳහා එක්වෙමින් අගමැතිවරයා වැඩිදුරටත් ප්‍රකාශ කළේ තවමත් කෙටුම්පත් කර හෝ නොමැති ව්‍යවස්ථාවක් සම්බන්ධයෙන් බියට පත්ව ඇති බවයි. රටේ ඒකීයභාවය අහිමි කරන හෝ බුදුදහමට ඇති ප්‍රමුඛතාවය අහිමි කරන හෝ කිසිදු වගන්තියක් නව ව්‍යවස්ථාවට ඇතුළත් නොකරන බවයි ඔහු වැඩිදුරටත් ප්‍රකාශ කළේ.

ඉන් අනතුරුව පැවති විවාදයේ දී අදහස් දැක්වූ විපක්ෂනායක මහින්ද රාජපක්ෂ ප්‍රකාශ කළේ නව ආණ්ඩුක්‍රම ව්‍යවස්ථාවක් ගෙන ඒමට වත්මන් පාර්ලිමේන්තුවට සුජාත භාවයක් නොමැති බවයි.

පළාත් පාලන මැතිවරණයේ තීන්දුව අනුව වත්මන් රජයට නව ව්‍යවස්ථාවක් ගෙන ඒමේ බලයක් නොමැති බවත් ඔහු සඳහන් කළේය. වහාම පාර්ලිමේන්තු මැතිවරණයකට ගොස් ආණ්ඩුක්‍රම ව්‍යවස්ථා යෝජනා ඉදිරිපත් කර ජනතාවගේ බලයක් ලබාගත යුතු බවත් ඔහු ප්‍රකාශ කළේය.

විවාදයේදී දැක්වූ හිටපු විපක්ෂනාය ආර්. සම්බන්ධන් මහතා ප්‍රකාශ කළේ නව ආණ්ඩුක්‍රම ව්‍යවස්ථාංවක් යනු දිගුකාලීන අවශ්‍යතාවක් බවයි.

පසුව අදහස් දැක්වූ ජනතා විමුක්ති පෙරමුණේ නායක අනුර කුමාර දිසානායක මහතා සඳහන් කළේ අදාළ ආණ්ඩුක්‍රම ව්‍යවස්ථාවේ යෝජනා සම්බන්ධයෙන් විද්වත් කමිටු තුළඳ එකඟතාවක් නොමැති බවයි.

ව්‍යවස්ථා සම්පාදක මෙහෙයුම් කමිටුවට උපදෙස් ලබාදීම සඳහා මෙම විද්වත් කමිටු පත්කළ අතර නව ව්‍යවස්ථාවක් සකස් කිරීමේදි එම විද්වත් කමිටු විසින් සකස් කළ වාර්තා සැලකිල්ලට ගනු ඇත. එක් එක් දේශපාලන පක්ෂ විසින් නව ආණ්ඩු ක්‍රම ව්‍යවස්ථාව සම්බන්ධයෙන් දැක්වූ අදහස් ද සැලකිල්ලට ගනිමින් මෙම කමිටු වාර්තා සකස් කර තිබේ.

UN

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

හිරු, දෙරණ, ස්වර්ණවාහිනී සහ ස්කයි නිව්ස්! - කෝ මේ සිරිසේන?

මාර්තු 16, 2019

නවසීලන්තයේ ක්‍රයිස්ට්චර්ච් ප්‍රහාරකයා විසින් සජීවී විකාශයක් ලබාදීම මගින් මනුෂ්‍ය ජීවිත වෙඩි...

මිරිස් කුඩු ගැහුවේ ගෙනත් දීපු නිසා. මම ඔක්කොම කියනවා - ප්‍රසන්න

මාර්තු 20, 2019

පාර්ලිමේන්තු සභා ගර්භය තුළ පොලිස් නිලධාරීන්ට සහ මන්ත්‍රීවරුන්ට මිරිස් කුඩු...

ගෝඨා ඇමරිකාවට යන්න හදයි - කෞතුකාගාර නඩුව නොඅසන්නැයි යළි ඉල්ලයි

මාර්තු 16, 2019

ඩී. ඒ. රාජපක්ෂ අනුස්මරණ කෞතුකාගාරය සහ ස්මාරකය ඉදිකිරීමේදී රාජ්‍ය මුදල්...

නාගානන්ද කොඩිතුවක්කුගේ නීතීඥ භාවය වසර 3කට අහෝසි කරයි

මාර්තු 18, 2019

නීතිඥ නාගානන්ද කොඩිතුවක්කු මහතාගේ නීතිඥභාවය වසර 03 කට අහෝසි කිරීමට...