පොහොට්ටු අර්බුදය ; බැසිල් නොආ එක ගැන කතා කරන්නවත් කැමති නෑ - විමල්

පොහොට්ටු අර්බුදය ; බැසිල් නොආ එක ගැන කතා කරන්නවත් කැමති නෑ - විමල්

11 February 2019 12:53 am

පසුගිය 06 වනදා පැවති ශ්‍රී ලංකා පොදුජන පෙරමුණේ විශේෂ සාකච්ඡාවට බැසිල් රාජපක්ෂ මහතා සහභාගී නොවීම පිළිබඳ කිසිවක් ප්‍රකාශ කිරීමට තමන් අකමැති බව එක්සත් ජනතා නිදහස් සන්ධාන පාර්ලිමේන්තු මන්ත්‍රී විමල් වීරවංශ මහතා පවසයි.

 

මෙසේ යමක් පිළිබඳ මාධ්‍ය හමුවේ කතා කිරීමට අකමැති බව තමන් අවධාරණය කරන්නේ පළමු වතාවට බව ද ඒ මහතා ප්‍රකාශ කළේය.

බැසිල් රාජපක්ෂ මහතාට හිමිවිය යුත්තේ කවර ස්ථානයක්ද යන්න පිළිබඳ තමන්ට අදහසක් නොමැති බව පැවසූ ඒ මහතා මහින්ද රාජපක්ෂ මහතා නොමැතිව ඔය කිසිවක් කළ නොහැකි බව ද පැවසීය.

ඒ මහතා මේ බව පැවසුවේ ඊයේ (10) පැවති ජාතික නිදහස් පෙරමුණේ මාධ්‍ය හමුවකදී මාධ්‍යවේදීන් නැඟූ ප්‍රශ්නයකට පිළිතුරු ලබා දෙමිනි.

එළඹෙන ජනාධිවරණය සඳහා ඉදිරිපත් කරන අපේක්ෂකයා පිළිබඳ ශ්‍රී ලංකා පොදුජන පෙරමුණේ විශේෂ සාකච්ඡාවක් පසුගිය 06 වනදා පැවති බවත් බැසිල් රාජපක්ෂ මහතා එම සාකච්ඡාව වර්ජනය කළ බවත් මාධ්‍ය වාර්තා කර තිබිණි.

RN