ක්‍රිකට් විනාශ කළ අය අදත් ජනපති එක්ක තමයි ඉන්නේ - අර්ජුන

ක්‍රිකට් විනාශ කළ අය අදත් ජනපති එක්ක තමයි ඉන්නේ - අර්ජුන

11 February 2019 02:39 am

ශ්‍රී ලංකාවේ ක්‍රිකට් කීඩාව විනාශ කළ උදවිය අදටත් සිටින්නේ ජනාධිපති මෛත්‍රීපාල සිරිසේන මහතා සමඟ බව අමාත්‍ය අර්ජුන රණතුංග මහතා පවසයි.

 

එවන් දූෂිත පුද්ගලයින් පසුගිය යුගයේ ක්‍රිකට් පරිපාලනය කළ බවත් අද වනවිට ශ්‍රී ලංකාවේ ක්‍රීඩාව මෙතරම් පහළට ඇද වැටී ඇති බවත් පෙන්වා දුන් ඒ මහතා මීට දයාසිරි ජයසේකර සහ ෆයිසර් මුස්තාෆා යන හිටපු ක්‍රීඩා අමාත්‍යවරුන් ද වගකිව යුතු බව ප්‍රකාශ කළේය.

කෙසේවෙතත් ඉදිරි දින කිහිපය තුළ නිලවරණයක් පවත්වා එය ජයග්‍රහණය කර ඉතාමත් ඉක්මනින් තමන් ශ්‍රී ලංකා ක්‍රිකට් යළි යථා තත්වයට පත් කරන බවයි අර්ජුන රණතුංග මහතා සඳහන් කළේ.

අර්ජුන රණතුංග මහතා මේ බව පැවසුවේ ඊයේ (10) ගම්පහ ප්‍රදේශයේ පැවති උත්සවයකින් අනතුරුව මාධ්‍යවේදීන් නැඟූ ප්‍රශ්නවලට පිළිතුරු ලබා දෙමිනි.

පසුගිය යුගයේ ශ්‍රී ලංකා ක්‍රිකට් ආයතනයේ සභාපතිවරයා ලෙස කටයුතු කලේ ජනාධිපති මෛත්‍රීපාල සිරිසේන මහතාගේ සමීපතමයකු වන පාර්ලිමේන්තු මන්ත්‍රී තිලංග සුමතිපාල මහතා ය. ඔහු පසුගිය ඔක්තෝබර් 26 දේශපාලන කුමන්ත්‍රණයේ ද නිර්මාතෘවරයකු විය.

RN