කෙනා අදාළ නැහැ - වංචාවක් නම් නඩුවක් දාන්න පුළුවන් - Lanka News Web (LNW)

කෙනා අදාළ නැහැ - වංචාවක් නම් නඩුවක් දාන්න පුළුවන්

වංචා දූෂණ නාස්තිය සම්බන්ධයෙන් දේශපාලනඥයින්, රජයේ නිලධාරීන් මෙන්ම ඕනෑම කෙනෙකුට විරුද්ධව ත්‍රී පුද්ගල මහාධිකරණයේ නඩු ගොනු කළ හැකි බව අධිකරණ හා බන්ධනාගාර ප්‍රතිසංස්කරණ අමාත්‍ය නීතිඥ තලතා අතුකෝරාළ මහත්මිය අවධාරණය කළාය.

ඇය මේ බව සඳහන් කළේ අද (14) දෙවන ස්ථිර ත්‍රී පුද්ගල මහාධිකරණය විවෘත කිරීමේ අවස්ථාවට එක්වෙමිනි.

යහපාලන රජයේ ප්‍රතිපත්තියක ලෙස මූල්‍ය අපරාධ සම්බන්ධයෙන් විමර්ශනය කිරීම සඳහා විශේෂ ත්‍රී පුද්ගල මහාධිකරණ තුනක් පිහිටුවීමට තීරණය කළ අතර මේ වන විට දෙකක් විවෘත කර ඇති බවයි අමාත්‍යවරිය පැවසුවේ.

වංචාව කුමක් වුවත් රජයට එහි විශේෂත්වයක් නොමැති අතර රජයේ වගකීම ඊට අවශ්‍ය පහසුකම් සැපයීම වන අතර අවශ්‍ය කටයුතු සිදුකිරීම පරීක්ෂණ පවත්වන අධිකාරීවලත්, නීතිපති දෙපාර්තමේන්තුවේත්, අල්ලස් කොමිසමේත් වගකීමක් බව අතුකෝරාළ මහත්මිය ප්‍රකාශ කළාය.

මහ බැංකුවේ බැඳුම්කර ගනුදෙනුව සම්බන්ධයෙන් හිටපු අධිපතිවරයා පමණක් නොව මිග් යානා ගනුදෙනුවලදී අත්‍යවශ්‍ය පුද්ගලයෙකු වී සිටින උදයංග වීරතුංග පවා මෙරටට ගෙන්වා ගැනීමට අවශ්‍ය බව එම රටවල්වලට දැනුම් දී ඇති බවද ඇය පැවසුවාය.

දෙවන ස්ථිර ත්‍රී පුද්ගල මහාධිකරණයේ රෙජිස්ටර් සුජීවා ලක්මාලි මහත්මිය වෙත අධිකරණය සංකේතාත්මකව භාර දීමද මෙහිදී සිදු විය.

 

 

නවතම පුවත්

මැයි 24, 2019

විද්‍යා ඝාතන සිදුවීම සම්බන්ධයෙන් ලලිත් ජයසිංහට එරෙහිව නීතිපති නඩු පවරයි

යාපනය පුංකුඩුතිව්, සිවලෝගනාදන් විද්‍යා පාසල් සිසුවියගේ ඝාතකයන්ට රැකවරණය ලබාදීම සම්බන්ධයෙන් චෝදනා…

මැයි 24, 2019

තවත් මාසයක් සදහා හදිසි නීතිය සම්මත වෙයි

හදිසි නීතිය තවත් මාසයක කාලයක් සදහා අද පාර්ලිමේන්තුවේදී සම්මත විය.

මැයි 24, 2019

පාස්කු ප්‍රහාරකයන් රකින්නේ ජනපති සහ අගමැති (VIDEO)

ජනාධිපතිවරයා සහ අගමැතිවරයා විසින් පාස්කු ප්‍රහාරයට සෘජුව සම්බන්ධ වී සිටින අය ආරක්ෂා කරමින් සිටින බව…

Connect with Us

fb twitter youtube g ins in

Outbound wb