ලංකාවේ පැරණිම රාජධානි දෙකේ වකුගඩු රෝගීන් 17,000 ක් !

ලංකාවේ පැරණිම රාජධානි දෙකේ වකුගඩු රෝගීන් 17,000 ක් !

20 March 2019 02:01 pm

දිවයින පුරා වකුගඩු රෝගීන්ගේ සංඛ්‍යාව මේ වනවිට සැලකිය යුතු මට්ටමින් පහළ බැස ඇති බව ජනාධිපතිවරයා පවසයි. වකුගඩු රෝග නිවාරණය වෙනුවෙන් ඉකුත් සිව් වසර තුළ ප්‍රමුඛත්වය ලබාදෙමින් පුළුල් වැඩ කොටසක් සිදුකර ඇති බවයි ජනාධිපති මෛත්‍රීපාල සිරිසේන මහතා පවසන්නේ.
 
කුමන විවේචන සිදුකළ ද ඉකුත් සිව් වසර තුළ මහජන සේවාවන් වඩා ශක්තිමත් වී ඇති බව අවධාරණය කරන ජනාධිපතිවරයා පෙන්වා දෙන්නේ අහිංසක ජනතාව වෙනුවෙන් එම සේවාවන් තවදුරටත් පුළුල් කරන බවයි.
 
ඔහු ඒ බව ප්‍රකාශ කළේ, ජාතික වකුගඩු අරමුදලේ රුපියල් මිලියන 437 ක මූල්‍ය ප්‍රතිපාදන යොදවමින් අනුරාධපුර මහ රෝහලට අනුබද්ධව ඉදිකරන ලද 'මෙත්සිරි සෙවණ' වකුගඩු රෝගී සහන සත්කාර, සුබසාධන හා පර්යේෂණ මධ්‍යස්ථානය ජනතා අයිතියට පත් කිරීම වෙනුවෙන් අද (20) පැවති උත්සවය අමතමිනි.
 
අනුරාධපුර සහ පොළොන්නරුව දිස්ත්‍රික්කවල මේ වනවිට වකුගඩු රෝගීන් 17,000 ක් පමණ හඳුනා ගෙන තිබෙන බව ජනාධිපති මාධ්‍ය ඒකකය පවසයි.
 
එම රෝගීන්ට එවකර ප්‍රතිකාර ලබා ගැනීමේ පහසුකම් මෙම මධ්‍යස්ථානයේ තිබෙන අතර වකුගඩු බද්ධ කිරීමේ ශල්‍යකර්ම සඳහා ද මෙහි පහසුකම් සලසා ඇති බව එම මාධ්‍ය අංශය වැඩි දුරටත්  සඳහන් කරයි.
 
අමාත්‍යවරුන් වන රාජිත සේනාරත්න, පී. හැරිසන්, චන්ද්‍රානි බණ්ඩාර, උතුරු මැද පළාත් ආණ්ඩුකාර සරත් ඒකනායක, වීරකුමාර දිසානායක, දුමින්ද දිසානායක යන මහත්වරුන් ඇතුළු පළාතේ මහජන නියෝජිතයන් රැසක්ද, සෞඛ්‍ය අමාත්‍යාංශයේ ලේකම් වසන්තා පෙරේරා මහත්මිය ඇතුළු රාජ්‍ය නිලධාරින් සහ යුද හමුදාපති ඇතුළු ආරක්ෂක අංශ ප්‍රධානිහු ඇතුළු පිරිසක් මෙම අවස්ථාවට එක්ව තිබේ.
 
CR
 
maithripala sirisena 1