අයියට බැරිනම් මල්ලිට. එයාට බැරිනම් නෝනට. එංගලන්ත රජ පවුලද මේ ?? - වෙල්ගමගෙන් දැඩි ප්‍රහාරයක් !

අයියට බැරිනම් මල්ලිට. එයාට බැරිනම් නෝනට. එංගලන්ත රජ පවුලද මේ ?? - වෙල්ගමගෙන් දැඩි ප්‍රහාරයක් !

21 April 2019 02:50 am

ශ්‍රී ලංකා නිදහස් පක්ෂය සහ ශ්‍රී ලංකා පොදුජන පෙරමුණ තුළ මහින්ද රාජපක්ෂ මහතාට පසුව සිටින ජ්‍යේෂ්ඨතම පුද්ගලයා තමන් බව පාර්ලිමේන්තු මන්ත්‍රී කුමාර වෙල්ගම පවසයි.

 

තමන් ජනාධිපති තනතුරට පත් වුවහොත් මාස හයක් තුළ විධායක ජනාධිපති ක්‍රමය අහෝසි කරන බවත් එහි කතා දෙකක් නොමැති බවත් ඒ මහතා අවධාරණය කළේය.

එසේම ජනාධිපතිවරණ අපේක්ෂකත්වය සම්බන්ධයෙන් අදහස් දක්වමින් ඒ මහතා පැවසුවේ "මහත්තයට බැරිනම් අයියට. අයියට බැරිනම් මල්ලිට. මල්ලිට බැරිනම් අනිත් මල්ලිට. එයාට බැරිනම් නෝනට. නෝනට බැරිනම් තවත් අයියා කෙනෙක් හිටියා. පුතාට බෑ .... එංගලන්තෙ රජ පවුලද මෙහෙ තියෙන්නෙ ?" යනුවෙනි.

ජනාධිපතිවරණයකදී රටම ක්‍රියාත්මක වන්නේ එකම ඡන්ද කොට්ඨාශයක ආකාරයෙන් බව සිහිපත් කළ ඒ මහතා ඉන් ජයග්‍රහණය කිරීම සඳහා තම පක්ෂයට දැනට ඇති බහුතර බලය ප්‍රමාණවත් නොවන බව ද පෙන්වා දුන්නේය. එසේ ජයග්‍රහණය කිරීමට නම් තමන්ට ජනතා විමුක්ති පෙරමුණේ සහයෝගය ද අවශ්‍ය වන බවයි ඒ මහතා සඳහන් කළේ.

කුමාර වෙල්ගම මහතා මේ බව පැවසුවේ ඊයේ (20) අගලවත්ත ප්‍රදේශයේ පැවති ජනහමුවක් අමතමිනි.

RN