මේ ආණ්ඩුව බැංකු කොල්ලකෑවා කියලා සජිත් ප්‍රසිද්ධියේම කිව්වා. ඊට වඩා මොනවද ?

මේ ආණ්ඩුව බැංකු කොල්ලකෑවා කියලා සජිත් ප්‍රසිද්ධියේම කිව්වා. ඊට වඩා මොනවද ?

21 April 2019 03:07 am

වත්මන් ආණ්ඩුව බැංකු මංකොල්ල කෑ බවට සජිත් ප්‍රේමදාස මහතා ප්‍රසිද්ධියේම ප්‍රකාශ කළ බවත් එසේ ප්‍රකාශ කළේ එක්සත් ජාතික පක්ෂයේම නියෝජ්‍ය නායකයා බවත් විපක්ෂ නායක මහින්ද රාජපක්ෂ මහතා පවසයි. "ඉතිං ඊටත් වඩා තවත් මොනවද ?" යනුවෙන් ඒ මහතා ප්‍රශ්න කර සිටියේය.

 

එක්සත් ජාතික පක්ෂයෙහි දේශපාලනඥයින්ගේ සටන වී ඇත්තේ නායකත්වයට කුළල් කාගැනීම සහ කුමන්ත්‍රණ කරමින් නායකත්වයට පැමිණීමට උත්සාහ කිරීම බව පැවසූ ඒ මහතා ඔවුන් ජනතාවගේ වුවමනාවන් ඉටු නොකරන බවටයි චෝදනා කළේ.

එසේම පළාත් සභා මැතිවරණය ඇතුළු මැතිවරණ ආණ්ඩුව විසින් ප්‍රමාද කරමින් සිටින බව පෙන්වා දුන් ඒ මහතා ප්‍රජාතන්ත්‍රවාදය යනු මැතිවරණ පැවැත්වීම බවත් එහෙයින් මේ මැතිවරණ පවත්වන්නැයි ඉල්ලා සිටින බවත් සඳහන් කළේය.

මහින්ද රාජපක්ෂ මහතා මේ බව පැවසුවේ ඊයේ (20) නුවර එළිය ප්‍රදේශයේ සංචාරයක නිරත වෙමින් සිටියදී මාධ්‍යවේදීන් නැඟූ ප්‍රශ්නවලට පිළිතුරු ලබාදෙමිනි.

RN