විදේශිකයන් 09 ක් මිය ගිහින්, තුවාලකරුවන් 400 ඉක්මවයි

විදේශිකයන් 09 ක් මිය ගිහින්, තුවාලකරුවන් 400 ඉක්මවයි

21 April 2019 07:14 am

අද පෙරවරුවේ කොළඹ ප්‍රධාන පෙලේ හෝටල් 03 කට එල්ල වූ බෝම්බ ප්‍රහාර හේතුවෙන් විදෙස් ජාතිකයන් 09 දෙනෙකු මියගොස් ඇති බව වාර්තා වේ.
 
තහවුරු කළ ආරංචි මාර්ගවලට අනුව මේ වනවිට මියගිය පුද්ගලයන් ගණන 138 ක් වන අතර තුවාල ලැබු පුද්ගලයන් ප්‍රමාණය 402 කි.
 
අද උදෑසන සිදු වු පිපිරිම්වලින් මේ වනවිට කොළඹ ජාතික රෝහලේ මළ සිරුරු  42 ක්, මීගමුව රෝහලේ මළ සිරුරු 62 ක් මඩකලපුව රෝහලේ  සිරුරු 27 ක් සහ රාගම රෝහලේ මළ සිරුරු 07 ක් ඇති බව කොළඹ ජාතික රෝහලේ අධ්‍යක්ෂ  අනිල් ජාසිංහ මහතා ප්‍රකාශ කරයි.
 
මේ අතර කොළඹ අගරදගුරු නිවසට විශේෂ ආරක්ෂාවක් ලබා දී ඇති අතර කොළඹ ස්ථාන රැසක සෝදිසි කිරීම් සිදු කරමින් තිබේ.
 
පවත්නා අනාරක්ෂිත තත්වය හේතුවෙන් හෙට දිනයේ ආරම්භවීමට නියමිතව තිබී 2019 දෙවැනි පාසල් වාරය තවත් දින දෙකකින් ප්‍රමාද කිරීමට ආණ්ඩුව තීරණය කර ඇත.