බෝම්බකරුගේ තඹ කම්හලේ සේවකයින්ට උසාවිය ඇප දුන්නේ පොලිස් විරෝධය නොතකා - ස්ථානාධිපති - Lanka News Web (LNW)

බෝම්බකරුගේ තඹ කම්හලේ සේවකයින්ට උසාවිය ඇප දුන්නේ පොලිස් විරෝධය නොතකා - ස්ථානාධිපති

පාස්කු ඉරිදා මරාගෙන මැරෙන බෝම්බ ප්‍රහාර එල්ල කළ ත්‍රස්තවාදීන් අතරින් මොහොමඩ් රීබ්‍රාහිම් ඉන්සාෆ් අහමඩ් නමැත්තාට අයත් වැල්ලම්පිටියේ පිහිටි තඹ කම්හලේ සේවකයින් නව දෙනෙකු අධිකරණයෙන් ඇප මත නිදහස් කර ඇත්තේ පොලිස් විරෝධතා නොතකමින් බවටත් එය නඩු වාර්තා සඳහන් කර නොමැති බවටත් චෝදනා කරමින් වැල්ලම්පිටිය පොලිස් ස්ථානාධිපති ගාමිණී හේවාවිතාන මහතා විසින් අධිකරණ සේවා කොමිෂන් සභාවට පැමිණිල්ලක් කර තිබේ.

 

බෝම්බ ප්‍රහාර සම්බන්ධයෙන් සැකපිට අප්‍රේල් 22 වනදා අත් අඩංගුවට ගෙන රක්ෂිත බන්ධනාගාරගත සිටි පුද්ගලයින් 10 දෙනා පසුගිය මැයි 06 වනදා අලුත්කඩේ අංක දෙක අධිකරණයේදී ප්‍රියන්ත ලියනගේ මහේස්ත්‍රාත්වරයා හමුවට ඉදිරිපත් කළ අවස්ථාවේදී ඔවුන්ට ඇප ලබා නොදෙන ලෙස පොලිසිය වාචිකව මෙන්ම ලිඛිතව ද ඉල්ලීම් කර තිබුණු බව පවසන ස්ථානාධිපතිවරයා මහේස්ත්‍රාත්වරයා එම විරෝධතා නොසලකා ඔවුන්ට ඇප නියම කර ඇති බවත් ඒ හේතුවෙන් තමන් ඇතුළු නිලධාරීන් කිහිප දෙනෙකුට එරෙහිව පොලිස් මූලස්තානයෙන් පරීක්ෂණයක් ද ආරම්භ කර ඇති බවත් සිය පැමිණිල්ලේ සඳහන් කර ඇත.

දුරකථන වාර්තා ඔස්සේ කළ විශ්ලේෂණයේදී මෙම සැකකරුවන් සිම්පත් දෙකේ සිට අට දක්වා ප්‍රමාණයක් ළඟ තබාගෙන සිට ඇති බවත් ඔවුන් අපරාධය සම්බන්ධයෙන් අවබෝධයෙන් කටයුතු කර ඇති බවත් තමන් අධිකරණයට දන්වා සිටි බවත් ඒ මහතා සිය පැමිණිල්ලේ දක්වයි.

සැකකරුවන්ට ඇප ලබාදීමට පොලිසිය දැඩි ලෙස විරුද්ධ වූ බව එම නඩුවේම විත්තිය වෙනුවෙන් පෙනී සිටි නීතීඥවරයා පවා දිවුරුම් ප්‍රකාශයක් මඟින් තහවුරු කර ඇති බව පෙන්වා දෙන ස්ථානාධිපතිවරයා මේ සම්බන්ධයෙන් සාධාරණ පරීක්ෂණයක් පවත්වන ලෙසයි අධිකරණ සේවා කොමිසමෙන් ඉල්ලා සිටින්නේ.

RN

නවතම පුවත්

මැයි 24, 2019

මීළඟ ජනපති - අගමැති ගැන මේ මොහොතේ කතා කිරීම පිළිකුලෙන් හෙළාදකිනවා - සජිත්

මීළඟ ජනාධිපතිවරයා හෝ අගමැතිවරයා හෝ සම්බන්ධයෙන් කතා කිරීමට මෙය කාලය නොවන බව එක්සත් ජාතික පක්ෂ…

මැයි 24, 2019

දිවයිනට වැඩ වරදී. අසත්‍ය පුවත ගැන CIDයෙන් අපරාධ විමර්ශනයක් !

තව්හිද් ජමාත් සංවිධානයට සම්බන්ධ වෛද්‍යවරයකු විසින් සිසේරියන් සැත්කම්වලින් පසු මවුවරුන් 4000ක් වඳකර…

මැයි 24, 2019

අරාබි භාෂා නාමපුවරු ඉවත් කිරීමට වජිරගෙන් චක්‍රලේඛයක්

රාජ්‍ය හෝ පුද්ගලික ආයතනවල අරාබි භාෂාවෙන් දැන්වීම් ප්‍රදර්ශනය කර ඇත්නම් ඒවා ඉවත් කරන ලෙස චක්‍රලේඛයක්…

Connect with Us

fb twitter youtube g ins in

Outbound wb