විදෙස් ණය ගෙවීමට ලංකා, මහජන, ජා.ඉ.කි. බැංකුවලින් ඩොලර් බිලියනයක් - Lanka News Web (LNW)

විදෙස් ණය ගෙවීමට ලංකා, මහජන, ජා.ඉ.කි. බැංකුවලින් ඩොලර් බිලියනයක්

2019 වසර සඳහා ශ්‍රී ලංකාව විසින් ගෙවිය යුතුව ඇති ඇමරිකානු ඩොලර් මිලියන 1,500ක ණය වාරිකය ගෙවීම සඳහා දැනටමත් සැලසුම් සකස් කර ඇති බව ජාතික ආර්ථික සභාවේ මහලේකම් මහාචාර්ය ලලිත් සමරකෝන් මහතා පවසයි.

 

ඒ සඳහා හම්බන්තොට වරාය ගනුදෙනුවෙන් ඉතිරි වී ඇති ඇමරිකානු ඩොලර් මිලියන 650ක මුදල යොදාගත හැකි බව පැවසූ ඒ මහතා ලංකා බැංකුව, මහජන බැංකුව සහ ජාතික ඉතිරි කිරීමේ බැංකුව යන බැංකුවලින් ඇමරිකානු ඩොලර් මිලියන 1000ක් ශ්‍රී ලංකා සංවර්ධන බැඳුම්කරවල ආයෝජනයෙන් සහ චීන සංවර්ධන බැංකුව මගින් ඇමරිකානු ඩොලර් මිලියන 500ක් ලබාගෙන මෙම ණය වාරික ගෙවීමට සැලසුම් කර ඇති බවයි සඳහන් කළේ.

2019 වසර සඳහා ණය වාරිකයෙන් ඩොලර් මිලියන 1000ක් ලබන ජනවාරියේ ගෙවිය යුතුව ඇති අතර ඉතිරි ඩොලර් මිලියන 500 අප්‍රේල් මාසයේදී ගෙවිය යුතුව තිබේ.

ණය ගෙවීම සම්බන්ධයෙන් ශ්‍රී ලංකාවට ගැටළුවක් නොමැති බව පෙන්වා දුන් ඒ මහතා රාජ්‍ය මූල්‍ය ප්‍රතිපත්තිය හා විනය නිසි ලෙස පවත්වාගෙන යාමේ හැකියාව පවතින බවත් සඳහන් කළේය.

ශ්‍රී ලංකාව සතුව මේ වන විට ඇමරිකානු ඩොලර් බිලියන 7.2ක සංචිතයක් ඇති බව පැවසූ මහාචාර්ය ලලිත් සමරකෝන් මහතා ණය වාරික ගෙවීමට ශ්‍රී ලංකාවට ඇති හැකියාව පිළිබඳව කිසිවෙකුත් කිසිදු චකිතයක් ඇති කරගත යුතු නොවන බව ද ප්‍රකාශ කළේය.

ඒ මහතා මේ බව ප්‍රකාශ කළේ ඊයේ (22) පැවති කැබිනට් තීරණ දැනුම්දීමේ මාධ්‍ය හමුවට එක් වෙමිනි.

RN

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

මසකට ලක්ෂ 24ක් ලාභ ලැබූ වඩේ බිස්නස් එක වැහුණේ ගෝඨා නිසා - නිරෝශන් බදු ගෙව්වාද ?

පෙබරවාරි 17, 2019

මාර්ග අයිනේ වඩේ විකිණීම සඳහා සේවකයින් 60 දෙනෙකු පමණ යොදවා...

පොහොට්ටු අර්බුදය ; බැසිල්ට ගහලා පොට වරද්දා ගන්න එපා - විමල්ට, ගම්මන්පිලට අනතුරු හැඟවීම්

පෙබරවාරි 21, 2019

ශ්‍රී ලංකා පොදුජන පෙරමුණ ගොඩනැංවූ නායකත්වයට නිග්‍රහ කර පොට වරද්දා...

මහින්ද අලුත් දේශපාලන පිම්මකට සැරසෙයි !

පෙබරවාරි 16, 2019

ඉදිරි සතිය තුළ අලුත් දේශපාලන පිම්මක් සඳහා සූදානම් වන බව...

චන්දික හතුරුසිංහ සහ දකුණු අප්‍රිකාව අතර ටෙස්ට් තරගය අද

පෙබරවාරි 21, 2019

චන්දික හතුරුසිංහගේ කණ්ඩායම සහ දකුණු අප්‍රිකාව අතර පැවැත්වෙන තරග දෙකකින්...