වයිබර් ක්ෂණික පරිවර්තන විශේෂාංගයක් හඳුන්වා දෙයි

වයිබර් ක්ෂණික පරිවර්තන විශේෂාංගයක් හඳුන්වා දෙයි

24 December 2018 08:18 am

සැබෑම ජාත්‍යන්තර මෘදුකාංගයක් වන වයිබර් හරහා ලොව ඕනෑම රටක වෙසෙන ඕනෑම භාෂාවක් කතාකරන පුද්ගලයෙකු සමඟ සන්නිවේදනය කිරීමේ හැකියාව උදා වී තිබේ.

 

අතීතයේදී නම් අප නොදන්නා භාෂාවකින් ලැබෙන පණිවුඩයක් තේරුම් ගැනීමට අදාළ පණිවුඩය කොපි කර එය පරිවර්තනය ඇප් එකක් හෝ සේවාවකට යොමුකර ඉන් ලැබෙන පරිවර්තනය කියවා ඉන් අනතුරුව චැට් එක තුළ පණිවුඩය සටහන් කිරීමට සිදුවිය.

එහි ඇති පියවර ගණනාව හේතුවෙන් පණිවුඩයක් සටහන් කරන විට චැට් එක ගලාගෙන ගොස් ඔබේ පණිවුඩය ඊට එක්කිරීමේ අවස්ථාව ගිලිහී යන්නට, පණිවුඩය තවදුරටත් වලංගු නොවන්නටද ඉඩ තිබිණ.

පණිවුඩ ක්ෂණිකව පරිවර්තනය කරගන්න

ඕනෑම භාෂාවකින් චැට් කිරීම පහසු කරවීම සඳහා වයිබර් වෙතින් නවතම in-chat translation පහසුකමක් හඳුන්වා දී තිබේ.

මේ හරහා වයිබර් සංවාදයකදී මුණගැසෙන ඔබ නොදන්නා භාෂාවකට අයත් පණිවුඩයක් ඔබට හුරුපුරුදු භාෂාවට ක්ෂණිකව හරවා ගැනීමේ පහසුකම දැන් උදාවී ඇත.

ඒ සඳහා කළ යුත්තේ අදාළ පණිවුඩයට දීර්ඝ එබීමක් සිදුකර ඉන් අනතුරුව translate යන විධානය තේරීම පමණි.

ඉන්පසුව මුල් පණිවුඩයට පහතින් පරිවර්තනය කරන ලද පණිවුඩය දිස්වනු ඇත.

business tap 01

ක්ෂණිකවම ඕනෑම භාෂාවකින් සංවාදයේ යෙදීමට එමගින් අවස්ථාව විවර වේ.

මෙහිදී භාවිතාකරන්නාගේ වයිබර් ඇප් එක සකසා ඇති භාෂාවට අනුව පරිවර්තනය වීම සිදුවන අතර වෙනත් භාෂාවකට එය පරිවර්තනය කරවාගැනීමට අවැසි නම් එය අදාළ පණිවුඩය මගින් සිදුකළ හැක.

එනම් පණිවුඩය මත දීර්ඝ එබීමක් සිදුකර ඉන් අනතුරුව Languages අයිකනය එබීමෙන් කැමැති භාෂාවක් තෝරාගත හැක.

මෙලෙස කැමැති ඕනෑම මොහොතක ඕනෑම භාෂාවකට පරිවර්තනය මාරු කිරීමට හෝ නැතහොත් සැකසුම් පද්ධතිය හරහා පරිවර්තනයට එක් භාෂාවක් වෙන් කරතැබිය හැක.

පරිවර්තන හරහා විවිධ පිරිස් හඳුනාගන්න

උදාහරණයකට ඔබ FC බාසිලෝනා කණ්ඩායමට කැමැති ජපන් ජාතිකයෙකු හා ඔබට FC බාසිලෝනා කණ්ඩායමේ නිල චැට් හෝ රසික එකමුතුවට එක්වීමටත් එහිදී ඔබේ භාෂාවෙන් සංවාදයේ යෙදීමටත් වුවමනා යැයි සිතමු.
එය දැන් ඔබට පහසුවෙන්ම කළ හැකිය.
මෙම වයිබර් පරිවර්තන සිදුකෙරෙනුයේ ගූගල් පරිවර්තන ඇසුරෙනි.
මෙම විශේෂාංගය ලොව පුරා නවතම වයිබර් යාවත්කාලීන කිරීම හරහා ලබාගැනීමට සියලුම ඇන්ඩ්‍රොයිඩ් භාවිතා කරන්නන්ට හැකි අතර ඇපල් දුරකථන සඳහා ද එය ළඟදීම එක්වනු ඇත.
මේ සමඟ භාෂාව තවදුරටත් බාධාවක් නොවන බව සහතික ය.
නවතම විශේෂාංගය පහත ලින්ක් එක හරහා ලබාගන්න. https://vb.me/4cf922

මයිකල් බෝනෆ්‍රන්ඩ්

CR