Ikman.lk ගෙවීම් කටයුතුවල පහසුවත් ආරක්ෂාවත් වෙනුවෙන් ikman Pay හඳුන්වාදෙයි - Lanka News Web (LNW)

Ikman.lk ගෙවීම් කටයුතුවල පහසුවත් ආරක්ෂාවත් වෙනුවෙන් ikman Pay හඳුන්වාදෙයි

ශ්‍රී ලංකාවේ විශාලතම අන්තර්ජාල වෙළෙඳපොළ වන ikman.lk තම පාරිභෝගිකයන්ට සියලු මුදල් ගෙවීම් කටයුතුවලදී වැඩි පහසුවක් මෙන්ම ආරක්ෂාවක් ද සලසමින් ikman Pay විශේෂාංගය හඳුන්වාදීමට පසුගියදා පියවර ගෙන තිබේ.

ඒ අනුව ikman.lk හරහා ලබාගන්නා ඕනෑම භාණ්ඩයක් හෝ සේවාවක් සඳහා ikman Pay (https://pay.ikman.lk/) භාවිතයෙන් මුදල් ගෙවීමේ හැකියාව උදා වී ඇත.

මේ හරහා Visa, Master හා Amex ආදී කාඩ්පත් ගෙවීම් මෙන්ම කාගිල්ස් බැංකු සහ කාගිල්ස් ෆුඩ්සිටි සුපිරි වෙළෙඳසල් හරහා සිදුකෙරෙන UPay හා FriMi ඇතුළු ikman.lkහි පුළුල් ගෙවීම් විධි ක්‍රම සියල්ල එකම තැනකට ගොනු කිරීමට පියවර ගෙන ඇත.

මෙවැනි බහුවිධ ගෙවීම් විකල්ප ගණනාවක් එකතු කරමින් ikman Pay හඳුන්වාදීම හරහා පාරිභෝගිකයන්ට වැඩි පහසුවක් මෙන්ම ආරක්ෂිත සහ වේගවත් විසඳුමක් ලැබී තිබේ.

තවද මේ සම්බන්ධව මතුවන ඕනෑම ගැටලුවකට සහාය වීම සඳහා +94 112 350 350 දුරකථනය ඔස්සේ පාරිභෝගික සේවා ජාලයක් ද ක්‍රියාත්මක වේ.

මෙම සේවාව භාවිත කරමින් අන්තර්ජාල මිලදීගැනීම් සිදු කිරීමේදී උපරිම ආරක්ෂාවක් සැලසීම වෙනුවෙන් Visa, Master සහ Amex කාඩ්පත් සඳහා එක් වරක් පමණක් භාවිත කළ හැකි රහස් කේත අංක සහ OTP තහවුරු කිරීමේ අංක යොදාගැනීමට ද පියවර ගෙන තිබේ.

තව ද පාරිභෝගිකයාට දුරකථන කෙටි පණිවුඩයක් හෝ ඊමේල් පණිවුඩයක් ලෙස ලැබෙන ලදුපත් අංකය හෝ ඇණවුම් අංකය මත පිහිටා මෙම අන්තර්ජාල ගෙවීම් සිදුකළ හැක.

එමෙන්ම පාරිභෝගිකයන්ගේ ක්‍රෙඩිට් කාඩ්පත් විස්තර ලබාගැනීමට හෝ එම විස්තර ගබඩා කරගැනීමට ikman.lk කිසිවිටෙක ක්‍රියා නොකරයි.

එම තොරතුරු සියල්ල සටහන් වන්නේ පාරිභෝගිකයාගේ බැංකු පද්ධතියේ පමණි.

එම ආරක්ෂිත බව නිසා පාරිභෝගිකයන්ගේ පෞද්ගලික දත්ත කිසිදු තුන්වැනි පාර්ශ්වයක් සතු වීමේ ඉඩක් නොමැත.

මේ පිළිබඳව අදහස් දක්වමින් මෙම සේවාව හඳුන්වාදුන්, ikman.lk හි සංජය හෙට්ටිආරච්චි මහතා මෙසේ පැවසීය. “මුදල් ගෙවීමේ ක්‍රියාවලිය වඩාත් සරල සහ ආරක්ෂාකාරී කරවන විසඳුම් සැපයීම, අපේ ඉලක්කයයි. එහිදී අපගේ සියලු ගෙවීම් ක්‍රමවේද ආවරණය කිරීමටත් පාරිභෝගිකයන්ට වැඩි පහසුවක් සැලසීමටත් ikman Pay විශේෂාංගයට හැකිවී තිබෙනවා”.

මුදල් ගෙවීමේ කටයුතු පහසු සහ ආරක්ෂිත කරවමින් ikman Pay හරහා හිමිවන අතිරේක විශේෂාංගයක් වන්නේ, Visa සහ Mastercard සංකේතකරණයයි.

එය ikman.lk පාරිභෝගිකයන්ට හිමිවන අමතර වාසියකි.

මේ හරහා පළමුවරට සිදුකරන ගෙවීමකදී, අදාළ සේවාව වෙත ලියාපදිංචි විය හැක.

විශේෂයෙන්ම මාසිකව හෝ අඛණ්ඩව ගෙවීම් සිදුකරන අවස්ථාවකදී මෙම ලියාපදිංචි වීම හරහා ස්වයංක්‍රීයව අදාළ ගෙවීම සිදුවීමට ඉඩ සැලැස්විය හැක.

CR

 

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

හිරු, දෙරණ, ස්වර්ණවාහිනී සහ ස්කයි නිව්ස්! - කෝ මේ සිරිසේන?

මාර්තු 16, 2019

නවසීලන්තයේ ක්‍රයිස්ට්චර්ච් ප්‍රහාරකයා විසින් සජීවී විකාශයක් ලබාදීම මගින් මනුෂ්‍ය ජීවිත වෙඩි...

ශ්‍රීලනිප - පොහොට්ටු අර්බුදය ; මෛත්‍රී මහින්දට හතර ගාතෙන් යන්න ගැහුවා කිව්වේ 2015 ගැනයි - දයාසිරි

මාර්තු 13, 2019

මෛත්‍රීපාල සිරිසේන මහතා මහින්ද රාජපක්ෂ මහතාට දින 45ක් තුළ හතර...

ගෝඨා ඇමරිකාවට යන්න හදයි - කෞතුකාගාර නඩුව නොඅසන්නැයි යළි ඉල්ලයි

මාර්තු 16, 2019

ඩී. ඒ. රාජපක්ෂ අනුස්මරණ කෞතුකාගාරය සහ ස්මාරකය ඉදිකිරීමේදී රාජ්‍ය මුදල්...

නාගානන්ද කොඩිතුවක්කුගේ නීතීඥ භාවය වසර 3කට අහෝසි කරයි

මාර්තු 18, 2019

නීතිඥ නාගානන්ද කොඩිතුවක්කු මහතාගේ නීතිඥභාවය වසර 03 කට අහෝසි කිරීමට...