NDB මහ පුටුව කාවන්තිස්සට

NDB මහ පුටුව කාවන්තිස්සට

19 April 2019 03:31 pm

ජාතික සංවර්ධන බැංකුවේ (NDB) සභාපතිධූරයට කාවන්තිස්ස ධනුද්‍ර වීරවර්ධන රත්නායක මහතාව පත් කර ඇත. NDB අධ්‍යක්ෂ මණ්ඩල තීන්දුවකට අනුව ඊයේ (18) එම පත් කිරීම සිදුකර තිබේ.

 හිටපු සභාපති ආනන්ද විජේතිලක අතුකෝරළ මහතා පසුගිය 17 වැනි දින විශ්‍රාම ගැනීමෙන් අනතුරුවයි කාවන්තිස්ස රත්නායක මහතා එම ධූරයට පත්වන්නේ.

ඔහු NDB හි ස්වාධීන අධ්‍යක්ෂ මණ්ඩල සාමාජිකයෙක් ලෙසද කටයුතු කරමින් සිටියේය.

කාවන්තිස්ස රත්නායක මහතා අමාත්‍ය සාගල රත්නායක මහතාගේ සොහොයුරා වන අතර ඔහු යහපාලන ආණ්ඩුවේ ලේක්හවුස් ආයතනයේ සභාපතිධූරය ද දැරීය.

එමෙන්ම වරාය අධිකාරියේ සභාපති ධූරයටද ඔහුව පත් කෙරුණේ සිය සහෝදරයා වන අමාත්‍ය සාගල රත්නායක මහතා විසිනි.

NDB කොටස්කරුවන් 20 දෙනෙකුගෙන් සමන්විත පෞද්ගලික වාණිජ බැංකුවකි.