පාස්කු ඉරිදා සිදුවූ බෝම්බ ප‍්‍රහාරයෙන් විපතට පත් ජනතාවට ජාතික ඉතිරිකිරීමේ බැංකුවෙන් අත්වැලක් - Lanka News Web (LNW)

පාස්කු ඉරිදා සිදුවූ බෝම්බ ප‍්‍රහාරයෙන් විපතට පත් ජනතාවට ජාතික ඉතිරිකිරීමේ බැංකුවෙන් අත්වැලක්

පාස්කු ඉරිදා දින දේවස්ථාන ඉලක්ක කර ගනිමින් සිදුවූ බෝම්බ ප‍්‍රහාරයෙන් විපතට පත් ජනතාවගේ විවිධ අවශ්‍යතා ඉටුකරදීම සඳහා අත්වැලක් සැපයීමට ජාතික ඉතිරිකිරීමේ බැංකුව පියවර ගනී.

මේ අනුව ජාතික ඉතිරිකිරීමේ බැංකුව මෙවර වෙසක් උත්සවය වෙනුවෙන් සංවිධාන කර තිබූ වෙසක් බැති ගී සහ එයට අදාල වැඩසටහන් වෙනුවෙන් වෙන්කළ ප‍්‍රතිපාදන සහ ජාතික ඉතිරිකිරීමේ බැංකුවේ සමස්ථ සේවක ප‍්‍රජාවම නියෝජනය කරමින් ලබා දුන් දායකත්වය කොළඹ අගරදගුරු අති උතුම් මැල්කම් කාදිනල් රංජිත් හිමිපානන්වහන්සේ වෙත භාරදීම සිදුවිය.

මෙම අවස්ථාවට ජාතික ඉතිරි කිරීමේ බැංකුවේ සභාපති ජයරාජ චන්ද්‍රසේකර, සාමාන්‍යාධිකාරී සහ ප‍්‍රධාන විධායක නිලධාරී ධම්මික නිහාල් පෙරේරා, ජ්‍යේෂ්ඨ නියෝජ්‍ය සාමාන්‍යාධිකාරී ජගත් ගමනායක, බෞද්ධ සංගමයේ සභාපතිනිය වන නියෝජ්‍ය සාමාන්‍යාධිකාරීනී ජීවනී ගුණසේකර, ක‍්‍රිස්තියානි සංගමයේ සභාපතිනිය වන නියෝජ්‍ය සාමාන්‍යාධිකාරීනී ක‍්‍රිස්ටීන් ජේසුදියන්, නියෝජ්‍ය සාමාන්‍යාධිකාරී, ලාල් කරුණාතිලක, ප‍්‍රධාන සුබසාධන කළමණාකරු රංජිත් ගුණතිලක සහ සියළුම වෘත්තීය සමිති නියෝජනය කරමින් සාමාජිකන් පිරිසක් එක්විය.

මෙහිදී අදහස් දැක්වූ කොළඹ අගරදගුරු අති උතුම් මැල්කම් කාදිනල් රංජිත් හිමිපානන්වහන්සේ මෙම සත්කාර්යය ඇගයුමට ලක් කළ අතර, ආර්ථික වශයෙන් මෙන්ම මානසික වශයෙන් ද විපතට පත් ජනතාව යලි ගොඩනැංවීම අත්‍යවශ්‍ය බව අවධාරණය කළේය.

මෙම අවස්ථාවට එක්වූ ජාතික ඉතිරි කිරීමේ බැංකුවේ සභාපති ජයරාජ චන්ද්‍රසේකර මහතා සදහන් කළේ අන්තර් සාමයික සහ අන්තර් පුද්ගල සහජීවනය පිළිබඳව ඉතිරිකිරීමේ බැංකුව අද යහපත් පූර්වාදර්ශයක් සැපයූ බවයි. ජාති, ආගම් හෝ පක්‍ෂ භේදයකින් තොරව නිවැරදි අරමුණක් වෙනුවෙන් මෙසේ එක්සත් වීම ඉතා වැදගත් බව ජයරාජ චන්ද්‍රසේකර මහතා වැඩිදුරටත් සඳහන් කළේය.

නවතම පුවත්

මැයි 24, 2019

මීළඟ ජනපති - අගමැති ගැන මේ මොහොතේ කතා කිරීම පිළිකුලෙන් හෙළාදකිනවා - සජිත්

මීළඟ ජනාධිපතිවරයා හෝ අගමැතිවරයා හෝ සම්බන්ධයෙන් කතා කිරීමට මෙය කාලය නොවන බව එක්සත් ජාතික පක්ෂ…

මැයි 24, 2019

දිවයිනට වැඩ වරදී. අසත්‍ය පුවත ගැන CIDයෙන් අපරාධ විමර්ශනයක් !

තව්හිද් ජමාත් සංවිධානයට සම්බන්ධ වෛද්‍යවරයකු විසින් සිසේරියන් සැත්කම්වලින් පසු මවුවරුන් 4000ක් වඳකර…

මැයි 24, 2019

අරාබි භාෂා නාමපුවරු ඉවත් කිරීමට වජිරගෙන් චක්‍රලේඛයක්

රාජ්‍ය හෝ පුද්ගලික ආයතනවල අරාබි භාෂාවෙන් දැන්වීම් ප්‍රදර්ශනය කර ඇත්නම් ඒවා ඉවත් කරන ලෙස චක්‍රලේඛයක්…

Connect with Us

fb twitter youtube g ins in

Outbound wb