සරණාගත දැරියන් ගැන මලාලාගෙන් පොතක් - Lanka News Web (LNW)

සරණාගත දැරියන් ගැන මලාලාගෙන් පොතක්

නොබල් සාම සම්මානලාභී මලාලා යුසෆ්සායි විසින් රචනා කළ, ගෝලීය සරණාගත ප්‍රතිපත්තිවල අර්බුදය නිසා අසරණ වූ දැරියන්ගේ කථාන්දර ඇතුළත් ග්‍රන්ථය ඊයේ (ජනවාරි 8) නිල වශයෙන් දොරට වැඩියේය.

එහි නම "We Are Displaced: My Journey and Stories From Refugee Girls Around the World - ‘‘අපි අවතැන්. මගේ ගමන සහ ලොව පුරා සරණාගත දැරියන්ගේ කථාන්දරය‘ වේ.

එහි, පාකිස්ථානයේ තලෙබාන් අන්තවාදීන් විසින් සිදුකළ හිසට වෙඩි තැබීම හේතුවෙන් මව්බිම හැර දමා පළා ආ ඇගේ ගමන මෙන්ම සමාන්තර කථාන්දර ගණනාවක් අන්තර්ගත වේ.

කොංගෝවේ සිට පළා ආ, දැන් පෙන්සිල්වේනියාවේ ජීවත් වන මරී ක්ලේරේ, ග්වාතමාලාවේ සිට පැමිණ ඇමරිකානු මෙක්සිකෝ අති භයානක දේශසීමාව හරහා මැසචුසෙට්ස් ප්‍රාන්තයට ගිය ඇනලිසා වැනි යුවතියන්ගේ කථාන්දර මෙහි අන්තර්ගත වේ.

‘‘සරණාගතයන් ගැන අසන විට අපට නිතරම අසන්නට ලැබෙන්නේ ඉලක්කම්. අපිට ඒවා ඇසෙනවා. නමුත් ඔවුන්ගේ කථාන්දර අපට ඇසෙන්නේ නැහැ. ඔවුන්ට කියන්නට අවශ්‍ය කුමක්දැයි අපට කිසිදා ඇසෙන්නේ නැහැ. ඔවුන්ගේ සිහින, ඔවුන්ගේ අපේක්ෂා ගැන අපට ඇසෙන්නේ නැහැ.“ යැයි "CBS This Morning" රූපවාහිනී වැඩසටහනට එක් වෙමින් ඇය පැවසුවාය.

මේ වන විට ඔක්ස්ෆර්ඩ් සරසවියේ ශිෂ්‍යාවක බවට පත්වී සිටින මලාලා යුසුෆ්සායි පවසන්නේ තමන් ඔවුන් පිළිබඳ තවදුරටත් අධ්‍යයනය කරන බවයි.

The Globe and Mail
මලාලා යුසුෆ්සායි|The Globe and Mail

මේ වන විට ඇමරිකානු මධ්‍යම රජය අකර්මණ්‍ය කර තිබෙන ජනාධිපති ඩොනල්ඩ් ට්‍රම්ප්ගේ ඇමරිකානු දේශසීමා තාප්පය පිළිබඳවද මෙම වැඩසටහනේදී ඇගෙන් විමසන ලදී. එවිට මලාලා පැවසුවේ, ‘‘එයින් ඇමරිකාවේ වටිනාකම් නිරූපණය වෙන්නේ නැහැ“ යනුවෙනි. ‘‘ඇමරිකානුවන් විශ්වාස කරන දෙය එයින් නිරූපණය වන්නේ නැහැ. ට්‍රම්ප් සහ අනෙක් දේශපාලකයන් මේ පොත කියවාවි කියා මම බලාපොරොත්තු වෙනවා. ඒ වගේම ඔවුන් සරණාගත කඳවුරක් වෙත ගොස් ඒ ජනතාව මුණ ගැසිය යුතුයි කියා මම හිතනවා“ යැයි ද මලාලා තවදුරටත් පැවසුවාය.

- අවුට්බවුන්ඩ් ටුඩේ | www.outboundtoday.com 

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

සමනලීගෙන් සිරසට සහ මව්බිමට පිළිතුරු

ජනවාරි 11, 2019

ඊයේ දින අප විසින් දියත් කළ සාමකාමී මාධ්‍ය විරෝධය විකෘති...

දොස්තරගේ වාහනයට ලක්ෂ 20ක් ගෙවනකල් රෝහල අරින්න බෑ - GMOA

ජනවාරි 13, 2019

දැනට වසා දමා ඇති ගලහ ප්‍රාදේශීය රෝහල යළි විවෘත කිරීමට...

මහින්දගේ මන්ත්‍රීකම බේරලා දුන්නේ අනුකම්පා කරලා - දුමින්ද

ජනවාරි 11, 2019

මහින්ද රාජපක්ෂ මහතා ඇතුළු පොහොට්ටු සාමාජිකත්වය ලබාගත් මන්ත්‍රීවරුන්ගේ මන්ත්‍රීධුර ආරක්ෂා...

ජනාධිපතිතුමා වෙත කණගාටුවෙන් ලියමි

ජනවාරි 15, 2019

ඔබතුමා ගැන මා සිත තුල ඇත්ත බලවත් කණගාටුවකි. ඔබතුමාට මෙවැනි...