ඇමරිකානු සිසුන් දෙදෙනෙක් තමන්ගේම පාසලට වෙඩි තබයි!

ඇමරිකානු සිසුන් දෙදෙනෙක් තමන්ගේම පාසලට වෙඩි තබයි!

8 May 2019 07:24 am

ඇමරිකාවේ කොලරාඩෝ ජනපදයේ පාසලක ශිෂ්‍යයන්ට එම පාසලේම අධ්‍යාපනය ලබමින් සිටි සිසුන් දෙදෙනෙකු විසින් වෙඩි තබා ඇති බව වාර්තා වේ.

එහිදී එක් ශිෂ්‍යයෙක් මිය ගොස් තවත් 8 දෙනෙක් තුවාළ ලබා ඇත.

මෙම ප්‍රහාරකයන් දෙදෙනාම එම පාසලේ සිසුවන් බව හෙළි වී ඇත.

ඔවුන් දෙදෙනාම මේ වන විට අත්අඩංගුවට ගෙන තිබේ.

මෙම වෙඩි තැබීම සිදුවූ ඩෙන්වර් අසල STEM School Highlands Ranch පාසලේ ශිෂ්‍යයෝ 1800 දෙනෙක් පමණ ඉගෙනුම ලබති.

මෙම පාසලට මීට පෙර ද වෙඩි තැබීම මගින් සංහාරයක් සිදුකරන බවට තර්ජන එල්ල වී තිබූ බව ද වාර්තා වේ.

ලිහිල් ගිනි අවි නීති, ඇමරිකානු පුරවැසියන්ගේ ජීවිතවලට කොතරම් විශාල බලපෑමක් එල්ල කර තිබෙන්නේ ද යන්නට නවතම උදාහරණය බවට මෙය පත්ව තිබේ.

මෙයට හරියටම වසර 20කට පෙර මාරක වෙඩි තැබීම් හේතුවෙන් ශිෂ්‍ය සංහාරයක් සිදුවූ කොලොම්බින් උසස් පාසල (Columbine High School) පිහිටා තිබෙන්නේ මෙම පාසලට සැතපුම් 7 ක් පමණ නුදුරින් වීම ද විශේෂත්වයකි.

- අවුට්බවුන්ඩ් ටුඩේ | www.outboundtoday.com