ඔබත් නින්දා කරන්නේ මෙහෙම ද? - Lanka News Web (LNW)

ඔබත් නින්දා කරන්නේ මෙහෙම ද?

ප්‍රතිවාදීන්ට නින්දා කිරීම සහ තම කෝපය පල කිරීම සඳහා විවිධ අපහාසාත්මක වදන් වැඩි වැඩියෙන් ඕනෑ වන මේ සමයේ දැන හෝ නො දැන පෙරටත් වඩා පාවිච්චි කරන වදන් දෙක තුනකින් සයිබර් අවකාශය පිරෙමින් ඇත.

 

එකක් 'සක්කිලියා' ය. තවෙකක් 'තුප්පහි' ය. අනෙක 'පොන්නයා' ය.

# 'සක්කිලි' යනු 'සක්කිලියාර්' නැත්නම් 'චක්කිලි' නමින් හැඳින්වෙන අසරණ ජන වර්ගයකි. ස්පර්ශ නො කළ යුත්තන් නො එසේ නම් පහත් ම කුලයක් ලෙස සැලකෙන ඉන්දියානු දලිත්වරුන්ගෙන් පැවත එන මේ අය ශ්‍රී ලංකා දෙමළ කුල ක්‍රමය තුළ ද හුදෙක් උපත නිසා ම අතිශයින් කොන් වූවන් සේ සැලකේ.

# 'තුප්පහි' යනු පෘතුගීසි බර්ගර්වරුන් මෙන් ම විදෙස් ජාතීන් සමඟ කළවම් වූවා යයි 'සැලකුණු 'ජාතීන් හැඳින්වීමට සහ එම වාසගමින් එන පුද්ගලයින් හැඳින්වීමට 16,17 සියවස්වල යෙදී 19 වන සියවසේ ජාතිකවාදී උමතුව ද සමඟ අපහාසාත්මක යෙදුමක් බවට පෙරළුණු වදනකි.

# 'පොන්නයා' ලෙස අපහාසාත්මක ව අර්ථ ගැන්වෙන්නේ සංක්‍රාන්ති ලිංගිකයින් හෝ සමකාමී ලිංගික නැඹුරුතාවෙන් යුක්ත වූවන් ය.

මේ මොහොත වෙද්දී අප මේ වචන භාවිත කරන්නේ වෙනත් සන්දර්භයන්වල ය. ඒ යොදන හැම වාරයක් ගාණේ ම කිසියම් නිරවද්‍ය ජන වර්ගයකට නැත්නම් මිනිස් කණ්ඩායමකට ඔබ අතින් අපහාසයක් වන බව සිහිපත් වී ඉන් වැලකිය හැකි නම් ඔබ සමානාත්මතාව සහ වඩා යහපත් සමාජයක් වෙනුවෙන් වචන වගුරන අයෙකි. නො එසේ නම් ඔබ ද ඔබෙන් අපහාස ලබන ප්‍රතිවිරුද්ධ අනෙකාගෙන් කිසිසේත් වෙනස් නො වේ. ඔබ ඒ පෙන්වන්නේ ඔබේ නොහැදියාවයි. පහත් බවයි.

- කල්පනා ඇම්බ්‍රෝස්

නවතම පුවත්

මැයි 27, 2019

කේරළයට ගිය ලාංකිකයන් ISIS සාමාජිකයන්ද ? ඉන්දීය පොලීසිය අවධානයෙන් !

මේ වනවිට ඉන්දියාවේ කේරළ ප්‍රාන්තය වෙත ගොස් සිටින බව කියන ශ්‍රී ලාංකිකයන් 15 දෙනෙකු පිළිබඳ ඉන්දීය…

මැයි 27, 2019

බදුරලිය අත්බෝම්බ සැකකරුගේ සොහොයුරාත් අත්අඩංගුවට

බදුරලිය දික්හේන ප්‍රදේශයේ පාසලක් අසල අත්බෝම්බ 13ක් අඩංගු මල්ලක් තැබීමේ චෝදනාව යටතේ දැනට අත් අඩංගුවේ…

මැයි 27, 2019

ත්‍රස්තවාදය සහ අන්තවාදය පරාජය කිරීම සඳහා ශ්‍රීලනිපයෙන් අලුත් යෝජනාවලියක්

ඇතැම් ජාතීන් විසින් කරන නොමනා ක්‍රියා හේතුවෙන් සිංහල ජාතියට බොහෝ දෙනා දොස් නගන බව අස්ගිරි පාර්ශවයේ…

Connect with Us

fb twitter youtube g ins in

Outbound wb