අල්මාරියේ තිබුන මගේ බැංකු පොත කෝ ? - Lanka News Web (LNW)

අල්මාරියේ තිබුන මගේ බැංකු පොත කෝ ?

තාත්තාට දෙවුදත්ව වැහිලා බුදුන්ගෙන් පළිගන්න හවසට
චීත්තේට මන් තුරුල් කරගෙන දුවන් යනවා වළන් මැස්සට
පාන්දර මහා කන්ද නැගලා අම්මා යනකොට දළු කඩන්නට
පරක්කුයි ඉස්කෝලේ කිය කිය පස්ස හේදුවේ එකී හනිකට

 

අහස පොලවට පාත් වෙනකම් අම්මා කුස්සියේ හුල්ලද්දී
බුරු ඇඳ උඩ බීලා වැටිලා තාත්තා බැන බැන ඉඳිද්දී
මල්ලියේ උඹ යන්න හදපන් කියලා කන් දෙක පාළු වෙද්දී
අක්කා තෝඩුව දුන්න හින්දයි ගියේ කැම්පස් මන් එරන්දී

කිසිම දවසක පාට නොකරපු කිළිටි නිය අග හිරවෙලා
තවම ඇති මඩ හීනී වැල්ලක් අතැර යන්නට ලොබ වෙලා
මහපොළෙන් අර ගෙවන සොච්චම පැනලා යනකොට බයවෙල
සල්ලි එවුවේ ඒකි මහවැළි ගඟේ යටිබඩ හුරලා

පස්සේ කාලෙක ඔපීසියේ වැඩ ඔයත් ඒ මැද හම්බුනා
ඇත්තටම මට ගමට යන බස් මාස හය හත වැරදුනා
අම්මගේ තෙල් බෙහෙත් එක්කම එයාගෙත් කෙස් සුදු වුනා
බෙළිමලක් ගෙයි ගිණි නිවන්නට කුස්සි මුල්ලේ තැම්බුනා

තවත් මොකවත් කියන් ඇවිදින් එපා දත් ටික කඩාගන්න
උඹට කළු කැත හිඟන ගෑනියි මාව මිනිහෙක්‌ කලේ ඔන්න
බැංකු පොත මට දියන් හංගපු තැනින් දැන්වත් ගමේ යන්න
මගේ අක්කට නිදා ගන්නට ලෑලි පෙට්ටිය අරන් දෙන්න

- ජනිත් විතාරණගේ

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

ජනාධිපතිතුමා වෙත කණගාටුවෙන් ලියමි

ජනවාරි 15, 2019

ඔබතුමා ගැන මා සිත තුල ඇත්ත බලවත් කණගාටුවකි. ඔබතුමාට මෙවැනි...

සිරස වර්ජනය - තවත් පියවරක්

ජනවාරි 17, 2019

සිරස වැනි ආයතනයකින් මුදලක් උපයන, සීමිත ආදායම් මූලාශ්‍ර ඇති කෙනෙකුට...

අනේ දුවේ නිශාන්ත අයියව චෙයාමන් කරන්න මාමිට කියන්න !

ජනවාරි 20, 2019

මහින්ද රාජපක්ෂ මහතාගේ දින 51 ආණ්ඩු සමයේදී ශ්‍රී ලංකන් ගුවන්...

අලුත් ජනාධිපති කොමිසමේ පළමු විමර්ශන : සිරස සංඛ්‍යාත සහ රුසියානු යුද නැව ගැන ?

ජනවාරි 18, 2019

යහපාලන සමයේ සිදුව ඇති වංචා සහ දුෂණ ඇතුළු අක්‍රමිකතා සම්බන්ධව...