ටික ටික .... - රුවන් බන්දුජීව - Lanka News Web (LNW)

ටික ටික .... - රුවන් බන්දුජීව

කිසිවෙක් සිහින දකිද්දී ගොඩ ගොඩ
සමාන අන්තර අතර පතිත කරමින් අළු ටික
කැරකෙමින් පසුපසට ටික ටික
චාරිකාව නිමා කරයි - මදුරු දඟරයක් හෙමිහිට

 

එළවළු ටික - පලතුරු ටික - හාල්මැස්සො කරවල ටික
තේ කොළ සීනි පිටි ටික සූදුරු ටික මහදුරු ටික කහ කුඩු ටික ලුනු කුඩු ටික
දෙහි මිරිස්, තක්කාලි ගෙඩි ටික - අල ළුුනු, නූඩ්ලස් පැකට් ටික
පොල්තෙල් භූමිතෙල් ටික - පෑන් පැන්සල් පොත් ටික
විවිධාකාර බිල් ටික සහ විෂමාකාර බේත් පෙති ටිකට එරෙහිව
ඊයෙ රෑ හරි ෂෝක් බණ ටික

පොඩි ඉස්කෝලෙක අඩුපාඩු ගොඩ හදාගන්න
අමාරුවෙන් පාස්කරගත්තු සල්ලි ටික
පොඩි පොඩි ඇපල් කෑලි හැපෙන මලානික බීම ටික - මාරි විස්කෝතු ටික
ක්‍රේප් පටි ටික - ඇන්තූරියම් මල් ටික - ක්‍රෝටන් ගහක අතු ටික
ගුරුවරුන් ටික දෙමව්පියො ටික පොඩි එවුන් ටික පොඩි උන්ගෙ නැටුම් ටික
ආරාධිත අමුත්තන්ගේ කතා සේරොම ගොඩ ගොඩ

නොම මුණගැසුණු තැන ගින්දර
මාරාන්තික තුවාලයකින් වෑහෙන
ලේ ගොඩක් වඩාගෙන
කතුරු තුඩු අග ගුලිවෙයි
කපු පුළුන් ටික

සැණකෙළිභූමිය පමණි වෙනස්
මැරිගො රවුම්වල
එකම සත්තු ටික

ගොඩාක් දේවල් ඉතිරි වෙන්නනම්
ඔබේ ප්‍රියතම බැල්මෙන්
ඇය බලාගෙන ඉද්දිම
ගොඩාක් මීදුම ගලන තැනකදී
ඇයට නොපෙනී යන්න ටික ටික .......... !

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

අල්ලසක් ලබාගත් බවට ගෝඨාභය රාජපක්ෂගෙන් පාපොච්චාරණයක්

අප්‍රේල් 18, 2019

පසුගියදා රාවය පුවත් පත සමග සිදුකල සම්මුඛ සාකච්ඡාවකදී හිටපු ආරක්ෂක...

දෙහිවල සත්වෝද්‍යානය අසල තවත් පිපිරීමක්

අප්‍රේල් 21, 2019

මීට සුළු මොහොතකට පෙර දෙහිවල සත්වෝද්‍යානය අසල තවත් පිපිරීමක් සිදුව...

බොරැල්ලේ තවත් පිපිරීමක් !

අප්‍රේල් 21, 2019

මීට සුළු මොහොතකට පෙර බොරැල්ල ඔරියන්ට් සිටි අසල පිපිරීමක් සිදුව...

‘ඇමරිකාව වෙනුවෙන් අවි දැරීමට මම දිව්රා පොරොන්දු වෙමි’: නන්දසේන ගෝඨාභය රාජපක්ෂ

අප්‍රේල් 19, 2019

මගේ ආශාව වන්නේ, කිසි රටක පුරවැසියෙකු නොවී සිටීම ය.