ලීල්‍යා - සුබ නත්තලක් ! - Lanka News Web (LNW)

ලීල්‍යා - සුබ නත්තලක් !

හරියටම රෑ දොලහට
ඇරඹෙන විට දේව මෙහෙය
උණුසුම් සුසුම් මැද
සහසක් ඉටිපහන් දැල්ව වැගිරෙයි

 

ඉදිරිපස දෙවෙනි පේළියේ හරිමැද
ඔබ දෑස පියාගෙන
පියානන්ගේද පුත්‍රයානන්ගේද නාමයෙන් ආශිර්වාද කුරුසය ලකුණු කරයි
ලීල්‍යා මට මිහිරි පැණි සුවදැති මහ ගෙදර සිහිවෙයි

මෘදු එළියැති
උසැති නත්තල් ගස
සාලයේ හරි මැද පාට පාටින් බබලන්න ගන්නකොට
කොහේදෝ සිට දිව එමින් මිහිරැති සිනා පාන
ඔබේ ඇස් වල
දැල්වෙයි නත්තල් ගස් දෙකක්

දැක්කද ඒක... එන්න අපි නටමු
ඔබ අතින් අදිමින් කියයි

එකෝඩියනය මවන ගම්බද පෝල්කා තාලයට
ගොවි ගෙවිලියන්ගේ රළු සපත්තුවල හඬින්
මඳක් ඇවිස්සෙද්දි සාලයේ දුහුවිල්ල

චොක්ලට් පැල්ලම් සහිත ඔබේ මුව
නොනවත්වාම සිනාසෙයි
ලීල්‍යා ඔබට මේ දැනුත් ආදරේයැයි කීමට සිතෙයි

නැගෙනහිර අහසේ බැබලෙන තරුවක එළියෙන්
සීත හිම පියලි පවා හොඳම ඇඳුමකින් සැරසෙයි

ලීල්‍යා,
මෘදු කැරොල් ගායනා
ලන්තෑරුම් එළි මැදින් දිවෙන සඳ රැයක
සිපගන්න ඉඩදෙනවද,
මෆ්ලරයෙන් වැසුණු ඔබේ කොපුලක්
නොඉවසිලිමත් හදවතේ ආදර සීනු වැයෙයි

- උපේක්ෂා ඉමාලි ප්‍රේමතිලක

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

සමනලීගෙන් සිරසට සහ මව්බිමට පිළිතුරු

ජනවාරි 11, 2019

ඊයේ දින අප විසින් දියත් කළ සාමකාමී මාධ්‍ය විරෝධය විකෘති...

දොස්තරගේ වාහනයට ලක්ෂ 20ක් ගෙවනකල් රෝහල අරින්න බෑ - GMOA

ජනවාරි 13, 2019

දැනට වසා දමා ඇති ගලහ ප්‍රාදේශීය රෝහල යළි විවෘත කිරීමට...

මහින්දගේ මන්ත්‍රීකම බේරලා දුන්නේ අනුකම්පා කරලා - දුමින්ද

ජනවාරි 11, 2019

මහින්ද රාජපක්ෂ මහතා ඇතුළු පොහොට්ටු සාමාජිකත්වය ලබාගත් මන්ත්‍රීවරුන්ගේ මන්ත්‍රීධුර ආරක්ෂා...

ජනාධිපතිතුමා වෙත කණගාටුවෙන් ලියමි

ජනවාරි 15, 2019

ඔබතුමා ගැන මා සිත තුල ඇත්ත බලවත් කණගාටුවකි. ඔබතුමාට මෙවැනි...