ජූලි මාසේ කළු උනේ ඇයි? - සුහර්ෂිණී ධර්මරත්න - Lanka News Web (LNW)

ජූලි මාසේ කළු උනේ ඇයි? - සුහර්ෂිණී ධර්මරත්න

ජූලි මාසය ලස්සනයි හරි
ඇසල මල් පෙති විසිරිලා
පවර දළදා සමිඳු පිදුමට
නුවර වීදිය සැරසිලා

ඇසල මසකලු අපේ මහසත්
මෙත් සිතින් නික්මන් කලේ
අම්මෙ මට තේරෙන්නෙ නෑ
ඇයි ජූලි මාසය කලු උනේ

බෙහෙත් බොනවට තල් හකුරු දෙන
ඩොක්ට නාදන් යාපනේ
බේත් එක්කම කැවිලි අරගෙන
කොළඹ කොටුවෙන් ගොඩ උනේ

කන්ද පාමුල හූ කියාගෙන
එදා දුම්රිය නැවතුනා
පීලි මත ලේ මිදුණු කලුවෙන්
පුතේ ජූලිය කලු උනා

පිච්ච මල් වැල් වරල ගවසා
සුදු සිනා උතුරින් ගෙනා
රාජිනී මිස් ඇන්ද තිලකය
එදා කඳුලින් සේදුනා

අයනු ආවනු එකට පැටලී
හෝඩි පොත අමතක උනා
ඇගේ මුහුනේ ඇඳුනු කලුවර
ජූලි අඳුරට යා වුනා

සිංහ වෙස් ගත් කැනහිලුන් කැල
වලිගකොන ගිනි දල්වලා
දුව දුවා කඩවීදි අවුලා
සොයුරු පෙම ගිනිබත් කළා

දව දවා හිත් බුර බුරා නැගි
වෛරයේ කළු දුම් වලා
කදු මතින් පැන දෙරණ වටලා
පුතේ අහසම කළු කලා

කඳු මුදුන්වල මීදුමෙත් මට තාම දුම්‍ රොටු පේනවා
කන්ද පාමුල බාලචන්ද්‍රන් කිරි හිනාවක් පානවා
නුඹට ගෙන ආ දෝසි අහුරක් පුංචි දෑතේ තබනවා
ජූලි කළුවර සුදු කරන්නට හීනයක් මට තියෙනවා

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

අල්ලසක් ලබාගත් බවට ගෝඨාභය රාජපක්ෂගෙන් පාපොච්චාරණයක්

අප්‍රේල් 18, 2019

පසුගියදා රාවය පුවත් පත සමග සිදුකල සම්මුඛ සාකච්ඡාවකදී හිටපු ආරක්ෂක...

දෙහිවල සත්වෝද්‍යානය අසල තවත් පිපිරීමක්

අප්‍රේල් 21, 2019

මීට සුළු මොහොතකට පෙර දෙහිවල සත්වෝද්‍යානය අසල තවත් පිපිරීමක් සිදුව...

බොරැල්ලේ තවත් පිපිරීමක් !

අප්‍රේල් 21, 2019

මීට සුළු මොහොතකට පෙර බොරැල්ල ඔරියන්ට් සිටි අසල පිපිරීමක් සිදුව...

‘ඇමරිකාව වෙනුවෙන් අවි දැරීමට මම දිව්රා පොරොන්දු වෙමි’: නන්දසේන ගෝඨාභය රාජපක්ෂ

අප්‍රේල් 19, 2019

මගේ ආශාව වන්නේ, කිසි රටක පුරවැසියෙකු නොවී සිටීම ය.