සඳත් උයල ලු එන්නෙ අහසට ..!! - Lanka News Web (LNW)

සඳත් උයල ලු එන්නෙ අහසට ..!!

ෆයිල් එක දෙක වසා හෙමිහිට
ඇඟිලි අත්සන තබා තනියට
නික්ම කන්තෝරුවෙන් විගහට
පැන්නෙ බසයට යන්න ගෙදරට

 

මටත් කලියෙන් ගොසින් ගෙදරට
සැඳෑ ගොම්මන බලන විට මග
විඩාපත් හිත වඩාගෙන මම
ගෙනත් තැබුවා පුටු සෙටිය උඩ

මහන්සිද මැණිකේ අසාගෙන
ඔච්චමක් කරනා විලාසෙන
පැය කටුව හඬ නගයි නොනැවත
වෙලාවලු රෑ බත උයන්නට

කඩෙන් කෑවම රටේ නැති ලෙඩ
කියන අපගේ මහත්තැන් හට
සියලු රෝ දුක් නසාලන්නට
තැබුවෙ ලිප උඩ රතු කැකුලු බත

පුතා කන්නේ නැතිලු වම්බටු
දෝණි නොකනා ගහේ එලබටු
ශීතකරණේ හඬන තිබ්බටු
අදට නිහඬව හිඳිනු මැන බටු

තනා කිරි හොද්දකුත් විගහට
මාලු සාලයො බැද්දෙ තෙලටම
කට්ට සම්බෝලෙකුත් කෙටුවම
ඔන්න රෑ බත මේසෙ උඩටම

කුස්සියේ කව්ලුව වසන්නට
එබී බැලුවම අහස අඳුරෙම
කිම ද තරු කැටයකින් ඇහුවම
"සඳත් උයල ලු එන්නෙ අහසට..!"

 

- විජායී නාලිකා කරුණාතිලක

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

අල්ලසක් ලබාගත් බවට ගෝඨාභය රාජපක්ෂගෙන් පාපොච්චාරණයක්

අප්‍රේල් 18, 2019

පසුගියදා රාවය පුවත් පත සමග සිදුකල සම්මුඛ සාකච්ඡාවකදී හිටපු ආරක්ෂක...

සජිත්ගේ ළදරු ක්‍රියාකාරකම් ගැන අගමැති බලවත් අප්‍රසාදයෙන්

අප්‍රේල් 13, 2019

අග්‍රාමාත්‍ය රනිල් වික්‍රමසිංහ මහතා සහ එක්සත් ජාතික පක්ෂ සභාපති කබීර්...

යුද්ධය දරුණු වෙද්දී ගෝ‍ඨා හමුදාව අතැර රට ගියේ බිරිඳගේ බලපෑම නිසා

අප්‍රේල් 12, 2019

1990 ජුනි දෙවැනි ඊළාම් යුද්ධය පටන් ගත් පසු, යුද ගැටුම්...

"සජිත්ට අපි උදව් කළ යුතුයි" - ජනාධිපතිගේ අවුරුදු පැතුම

අප්‍රේල් 15, 2019

සිංහල දෙමළ අළුත් අවුරුද්දෙන් පසු දේශපාලනයේ තීරණාත්මක වෙනසක් සිදුවනු ඇති...