ඒකාබද්ධයේ ෂෙහාන් සේමසිංහගෙන් පාපොච්ඡාරණයක්: “අපේ ආණ්ඩුව මර්වින් සිල්වා ආරක්ෂා කළා” - Lanka News Web (LNW)

ඒකාබද්ධයේ ෂෙහාන් සේමසිංහගෙන් පාපොච්ඡාරණයක්: “අපේ ආණ්ඩුව මර්වින් සිල්වා ආරක්ෂා කළා”

රාජපක්ෂ පරිපාලනය විසින් ජනතාවගේ දැඩි විවේචනයට ලක් වූ මර්වින් සිල්වා අමාත්‍යවරයා ආරක්ෂා කිරීම වැරදි ක්‍රියාවක් බව ඒකාබද්ධ විරුද්ධ පක්ෂයේ පාර්ලිමේන්තු මන්ත්‍රී ෂෙහාන් සේමසිංහ පවසනවා.

 

මර්වින් සිල්වා හිටපු ඇමතිවරයා සිය ආණ්ඩුවේ පරාජයට හේතු වූ එක් ප්‍රධාන චරිතයක් බවටත් බීබීසී සංදේශය සමග සාකච්ඡාවකදී ඔහු චෝදනා කළා.

එහෙත් ඒ යුගයේ “සුදු වෑන් සංස්කෘතියක්” නොපැවති බව පවසන පාර්ලිමේන්තු මන්ත්‍රීවරයා එය එවකට පැවති විරුද්ධ පක්ෂයේ නිර්මාණයක් බවත් පවසනවා.

“සුදු වෑන් සංස්කෘතිය කියන කතාව ගොඩනැගුවේ එවකට පැවති විපක්ෂය.”

 

ඒ යුගයේ පැහැදිලිවම එවැනි පැහැරගැනීම් සිදු වූ බව මාධ්‍යවේදී සරෝජ් පතිරණ පෙන්වාදුන් විට එසේ නම් ඒ සම්බන්ධයෙන් කිසිවෙකුටත් දඬුවම් කිරීමට වත්මන් ආණ්ඩුවට නොහැකි වූයේ මන්දැයි මන්ත්‍රීවරයා ප්‍රශ්න කළේය.

මාධ්‍යවේදීන්ට එල්ල වූ තර්ජන සම්බන්ධයෙන් පමණක් නොව වෙනත් ඕනෑම චෝදනාවක් ගැන පරීක්ෂණ පැවැත්වීමට ආණ්ඩුවට කාලය තිබුණ බවත් ඔහු පවසයි.

මරණ දඬුවම ක්‍රියාත්මක කරන බවට ජනාධිපති මෛත්‍රීපාල සිරිසේන කරන ප්‍රකාශය ගැන තමන්ටත් ස්තිර මතයක් නැති බව එම සාකච්ඡාවේදී ෂෙහාන් සේමසිංහ මන්ත්‍රීවරයා පිළිගත්තේය.

අගමැති රනිල් වික්‍රමසිංහ සහ ජනාධිපති මෛත්‍රීපාල සිරිසේන මාධ්‍යවලට තර්ජන කරමින් ශ්‍රී ලංකාවේ “මාධ්‍ය මර්ධනයක්” දියත් කර ඇති බවටත් මන්ත්‍රීවරයා චෝදනාවක් එල්ල කළා.

ශ්‍රී ලංකා පොදු ජන පෙරමුණේ කටයුතු ප්‍රවර්ධනය කිරීම පිණිස ලන්ඩන් නුවර සංචාරය කළ අතරවාරයේ බ්‍රිතාන්‍යයේ ජනතාව තුළ කෙතරම් විනයක් පවතින්නේ දැයි දැකගැනීමට ලැබුණ බවත් ඔහු පවසනවා.

“සියලුම පුරවැසියන් සියලුම පුරවැසියන්ගේ ආත්ම ගරුත්වයට ගරු කරමින් කටයුතු කරනවා. මම හිතන්නේ ඒ විනය ලෝකේ අනිත් සියලුම රටවලත් ක්‍රියාත්මකවීම අත්‍යවශ්‍යයි.”

එවැනි විනයක් ශ්‍රී ලංකාවේත් ඇතිකිරීම මීළඟට බිහිවෙන ආණ්ඩුවේ වගකීම බවත් ෂෙහාන සේමසිංහ මන්ත්‍රීවරයා බීබීසී සේවයට කියා සිටියා.

(BBC Sinhala)

නවතම පුවත්

Connect with Us

fb twitter youtube g ins in

Outbound wb

පසුගිය සතියේ ජනප‍්‍රිය පුවත්

කරුණු විකෘති කරන්න් එපා - ජර්මන් තානාපති ‌‌මෛත්‍රීට කියලා

දෙසැම්බර් 6, 2018

ජර්මනියේ මාස 06 ක පමණ කාලයක් ආණ්ඩුවක් නොමැතිව ජර්මන් චාන්සලර්වරිය...

රටේ තත්වය තේරෙණවා, හැකි ඉක්මනින් තීන්දුවක් දෙනවා - අගවිනිසුරු

දෙසැම්බර් 8, 2018

රට පත්ව ඇති තත්වය ගැන තමන්ට හැඟීමක් ඇති බවත් එහෙයින්...

ජනාධිපති සිරි‌සේන හාන්සි කරවන රජිත් කීර්තිගේ ලීක්වුණු කෝල් එක මෙන්න

දෙසැම්බර් 6, 2018

ප්‍රශ්නගත බැදුම්කර ගනුදෙනුවට අදාල සම්පූර්ණ වාර්තාව තමන් කියවූ බව රාජ්‍ය...

‘මහින්දගේ විනිසුරෝ‘, ‘මෛත්‍රිගේ විනිසුරෝ‘ සහ ‘යුක්තියේ විනිසුරෝ

දෙසැම්බර් 7, 2018

ඇමරිකානු ශ්‍රේෂ්ඨාධිකරණයේ අග විනිසුරු ජෝන් රොබට්ස් (Chief Justice John Roberts)...